ലൗ ആക്ഷൻ ഡ്രാമയ്ക്ക് ശേഷം ഫന്റാസ്റ്റിക് ഫിലിംസ് വീണ്ടും;അജു വർഗീസ് നായകനാകുന്ന സാജൻ ബേക്കറി ആരംഭിച്ചു

കമലയ്ക്ക് ശേഷം അജു വർഗീസ് വീണ്ടും നായകനായി എത്തുന്ന ചിത്രമാണ് സാജൻ ബേക്കറി സിൻസ് 1962. സിനിമയുടെ ചിത്രീകരണം റാന്നിയിൽ ആരംഭിച്ചു. സായാഹ്നവാര്‍ത്തകളുടെ സംവിധായകൻ അരുൺ ചന്തു സംവിധാനം ചെയ്യുന്ന ഈ ചിത്രം നിർമ്മിക്കുന്നത് ഫൺന്‍റാസ്റ്റിക് ഫിലിംസിന്‍റെ ബാനറിൽ ധ്യാൻ ശ്രീനിവാസനും വിശാഖ് സുബ്രഹ്മണ്യനും ചേർന്നാണ്. എം സ്റ്റാര്‍ സാറ്റലൈറ്റ് കമ്മ്യൂണിക്കേഷൻസിന്‍റെ ബാനറിൽ അനീഷ്‌ മോഹൻ സഹനിർമാണം ചെയുന്ന ചിത്രത്തിൽ അജു വർഗീസിന് പുറമെ ലെന, ഗ്രേസ് ആന്‍റണി, രഞ്ജിത മേനോൻ, ഗണേഷ് കുമാർ, ജാഫർ ഇടുക്കി തുടങ്ങി നിരവധി താരങ്ങൾ അണിനിരക്കുന്നുണ്ട്.

ലവ് ആക്ഷൻ ഡ്രാമയ്ക്കു ശേഷം ഫൺന്‍റാസ്റ്റിക് ഫിലിംസിന്‍റേയും എം സ്റ്റാർ ലിറ്റിൽ കമ്യൂണിക്കേഷന്‍റെയും ബാനറിൽ ഒരുങ്ങുന്ന ചിത്രമാണിത്. ഗുരുപ്രസാദ് ഛായാഗ്രഹണവും അരവിന്ദ് മന്മഥൻ ചിത്രസംയോജനവും പ്രശാന്ത് പിള്ള സംഗീതവും ബുസ്സി വസ്ത്രാലങ്കാരവും എം ബാവ കലാസംവിധാനവും നിര്‍വ്വഹിക്കുന്ന ചിത്രത്തിന്‍റെ പ്രൊഡക്ഷൻ കൺട്രോളർ സജീവ് ചന്ദിരൂരാണ്.

അജു വർഗീസിന്റെ ഫേസ്ബുക്ക് പോസ്റ്റ്:

സാജൻ ബേക്കറി since 1962 ഇന്ന് തുടങ്ങുകയാണ്. അരുൺ ചന്തു സംവിധാനവും ഫന്റാസ്റ്റിക് Funtastic Films ന്റെ ബാന്നറിൽ ധ്യാൻ ശ്രീനിവാസനും വിശാഖ് സുബ്രമണിയവും നിർമാണവും M-star Satellite Communications ന്റെ ബാന്നറിൽ അനീഷ്‌ മോഹൻ സഹനിർമാണവും ചെയുന്ന ചിത്രത്തിൽ അജു വർഗീസ്, ലെന, ഗ്രേസ് ആന്റണി, രഞ്ജിത മേനോൻ, ഗണേഷ് കുമാർ, ജാഫർ ഇടുക്കി തുടങ്ങിയവർക്കൊപ്പം ഒരുപാട് പുതിയ കലാകാരന്മാരും അണിനിരക്കുന്നു. ചിത്രസംയോഹനം ഗുരു, എഡിറ്റിംഗ് അരവിന്ദ് മന്മഥൻ, സംഗീതം പ്രശാന്ത് പിള്ള, വസ്ത്രാലങ്കാരം ബസ്സി, ആർട്ട്‌ ബാവാ, പ്രൊഡക്ഷൻ കൺട്രോളർ സജീവ് ചന്ദിരൂർ. ഈ സംരംഭത്തിൽ നിങ്ങളുടെ എല്ലാവിധ പിന്തുണയും, പ്രാർത്ഥനയും ഞങ്ങളോടൊപ്പം ഉണ്ടാവണമെന്ന് അഭ്യർത്ഥിക്കുന്നു.