മോഹൻലാലിനെ കളിയാക്കി ഇക്കയുടെ ശകടം സിനിമയുടെ മൂന്നാം ടീസർ;കിടിലൻ മറുപടിയുമായി സജിദ് യാഹിയ

മമ്മൂട്ടി ആരാധകരുടെ കഥ പറയുന്ന ഇക്കയുടെ ശകടം എന്ന സിനിമയുടെ മൂന്നാമത്തെ ടീസർ ഇപ്പോൾ സോഷ്യൽ മീഡിയയിൽ ഏറെ ചർച്ചാവിഷയമായിരിക്കുകയാണ്. മോഹൻലാലിനെ വ്യക്തിഹത്യ ചെയ്യുന്ന രീതിയിൽ തയ്യാറാക്കിയ ടീസറിനെതിരെ ജനരോഷം അലയടിക്കുകയാണ്. സോഹൻലാൽ എന്ന പേരാണ് പലപ്പോഴും മോഹൻലാലിനെ ഉദേശിച്ചുകൊണ്ട് ടീസറിൽ ആവർത്തിച്ചാവർത്തിച്ചു പറയുന്നത്. ഒരു സിനിമയ്ക്ക് വേണ്ടി മറ്റൊരു താരത്തെ കളിയാക്കുന്ന ഈ പ്രവണതയ്ക്കെതിരെ സോഷ്യൽ മീഡിയ മുഴുവനും ചിത്രത്തെക്കുറിച്ചും സംവിധായകനെ കുറിച്ചും വിമർശനങ്ങൾ ഉയർത്തുന്നത്. മോഹൻലാൽ ആരാധകരുടെ കഥ പറഞ്ഞ് മോഹൻലാൽ എന്ന ചിത്രത്തെ കളിയാക്കിയുള്ള രംഗങ്ങളാണ് ഇതിൽ പ്രധാന ഉദ്ദേശം. സജിദ് യാഹിയ സംവിധാനം ചെയ്ത ചിത്രം കഴിഞ്ഞ വർഷം ആണ് റിലീസ് ചെയ്തത് . ടീസർ പുറത്തിറങ്ങിയശേഷം സജിദ് യാഹിയയുടെ കമൻറ് പുറത്തുവന്നിട്ടുണ്ട്. മോഹൻലാൽ അവസാനം അഭിനയിച്ച സിനിമയായ ലൂസിഫറിലെ ഒരു രംഗത്തിന്റെ സ്ക്രീൻഷോട്ട് എടുത്തതാണ് സജിദ് മറുപടി പറഞ്ഞിരിക്കുന്നത്.”നിന്റെ തന്ത അല്ല എന്റെ തന്ത”എന്ന് സ്റ്റീഫൻ നെടുമ്പള്ളി വർമ്മ സാറിനോട് പറയുന്ന രംഗമാണ് അദ്ദേഹം പോസ്റ്റ് ചെയ്തത്. സജിദിന്റെ മറുപടി ഏറ്റെടുത്തിരിക്കുകയാണ് സോഷ്യൽ മീഡിയ.

പ്രിന്‍സ് അവറാച്ചന്‍ തിരക്കഥയെഴുതി സംവിധാനം ചെയ്യുന്ന സിനിമയിൽ അപ്പാനി ശരത്താണ് മമ്മൂട്ടി ആരാധകനായി വേഷമിടുന്നത്. ടാക്സി ഡ്രൈവറായാണ് ശരത്ത് ചിത്രത്തിലെത്തുന്നത്.ജിംബ്രൂട്ടന്‍ ഗോകുലനും ചിത്രത്തില്‍ പ്രധാന വേഷത്തിലുണ്ട്. മമ്മൂട്ടി ഫാന്‍സ് അസോസിയേഷന്‍ അംഗങ്ങൾ ഉൾപ്പടെ നിരവധി പുതുമുഖങ്ങൾ ചിത്രത്തില്‍ അണിനിരക്കുന്നുണ്ട്.