തങ്കക്കൊലുസിനൊപ്പം ഊഞ്ഞാലാടി ഓണാഘോഷവുമായി സാന്ദ്രാ തോമസ്; ചിത്രങ്ങൾ

നിർമ്മാതാവും അഭിനേത്രിയുമായ സാന്ദ്ര തോമസ് മലയാളികളുടെ പ്രിയപ്പെട്ട താരമാണ്. വിവാഹശേഷം അഭിനയ ജീവിതത്തിൽ നിന്ന് മാറി നിൽക്കുകയായിരുന്ന സാന്ദ്ര ഇരട്ട കുട്ടികൾക്ക് ജന്മം നൽകിയിരുന്നു. ഇപ്പോൾ കുടുംബത്തോടൊപ്പം സമയം ചെലവഴിക്കുന്ന സാന്ദ്ര പുതിയ നിർമ്മാണ കമ്പനിയുമായി രംഗത്തേക്ക് എത്തുകയാണ്. സാന്ദ്രക്ക് സോഷ്യൽ മീഡിയയിൽ നേരിടേണ്ടിവരുന്ന വിമർശനങ്ങളും ട്രോളുകൾ എല്ലാം സർവസാധാരണമാണ്. മക്കളുടെ കളിയും ചിരിയും എല്ലാം സാന്ദ്ര സോഷ്യൽ മീഡിയയിലൂടെ പങ്കുവയ്ക്കാറുണ്ട്. ഉമ്മിണിത്തങ്ക, ഉമ്മുക്കുലുസു എന്നാണ് കുട്ടികൾക്ക് സാന്ദ്രയും ഭർത്താവ് വിൽസൺ ജോണും മക്കൾക്ക് നൽകിയ വിളിപ്പേര്. നാടിന്റെ നേരും ചൂരും അറിഞ്ഞ് മക്കൾ വളരണം എന്ന് ആഗ്രഹമുള്ള ഒരു അമ്മയാണ് സാന്ദ്ര.

ഇന്നത്തെ തലമുറക്ക് അന്യമായ പല അനുഭവങ്ങളും ഇത്ര ചെറുപ്പത്തിലേ തന്റെ കുഞ്ഞുങ്ങൾക്ക് പകർന്ന് നൽകുവാനുള്ള ശ്രമത്തിലാണ് സാന്ദ്ര. മഴ നനയിച്ചും മരം നടീപ്പിച്ചും പ്രകൃതിയെ തൊട്ടറിയുവാൻ എല്ലാ അവസരവും കുഞ്ഞോമനകൾക്ക് പകരുന്ന സാന്ദ്ര തോമസ് ഇപ്പോൾ അവർക്കൊപ്പം ഊഞ്ഞാലാടി ഓണം ആഘോഷിക്കുന്ന ചിത്രങ്ങളാണ് പങ്ക് വെച്ചിരിക്കുന്നത്.