നഗ്നയായി വന്നാൽ ശ്രദ്ധ കിട്ടും;മോശം കമന്റ് കുറിച്ച വ്യക്തിയെ കൊണ്ട് മാപ്പ് പറയിപ്പിച്ച് സാന്ദ്ര തോമസ്

നിർമ്മാതാവും അഭിനേത്രിയുമായ സാന്ദ്ര തോമസ് മലയാളികളുടെ പ്രിയപ്പെട്ട താരമാണ്. വിവാഹശേഷം അഭിനയ ജീവിതത്തിൽ നിന്ന് മാറി നിൽക്കുകയായിരുന്ന സാന്ദ്ര ഇരട്ട കുട്ടികൾക്ക് ജന്മം നൽകിയിരുന്നു. ഇപ്പോൾ കുടുംബത്തോടൊപ്പം സമയം ചെലവഴിക്കുന്ന സാന്ദ്ര പുതിയ നിർമ്മാണ കമ്പനിയുമായി രംഗത്തേക്ക് എത്തുകയാണ്. സാന്ദ്രക്ക് സോഷ്യൽ മീഡിയയിൽ നേരിടേണ്ടിവരുന്ന വിമർശനങ്ങളും ട്രോളുകൾ എല്ലാം സർവസാധാരണമാണ്.

ഇപ്പോൾ തനിക്കെതിരെ ഒരു അശ്ലീല കമന്റ് പുറപ്പെടുവിച്ച വ്യക്തിയെ കൊണ്ട് മാപ്പ് പറയിപ്പിചിരിക്കുകയാണ് സാന്ദ്ര. ഒരു പൊതു ഗ്രൂപ്പിൽ ശ്രദ്ധ കിട്ടാൻ നഗ്നയായി വരുവാൻ പറഞ്ഞ് കമന്റ് ഇട്ട വ്യക്തിയെ കൊണ്ട് ഇപ്പോൾ സാന്ദ്രം മാപ്പ് പറയിപ്പിച്ചു. ഒരു പെൺകുട്ടിയുടെ അച്ഛൻ ആയ അയാൾ ഇത്തരത്തിൽ ഒരു കമന്റ് പറഞ്ഞതിനാൽ അയാളെയും അയാളുടെ കുടുംബത്തെയും ഓർത്തു വിഷമം തോന്നുന്നു എന്ന് സാന്ദ്ര പറഞ്ഞിരുന്നു. ഇത് എന്റെ ദിനം പൂർത്തിയാക്കി എന്ന് എഴുതിയാണ് അയാളുടെ മെസ്സേജ് സാന്ദ്ര പോസ്റ്റ് ചെയ്തിരിക്കുന്നത്. ക്ഷമ പറഞ്ഞശേഷം ആരോടും ഇനി ഇത് ആവർത്തിക്കില്ല എന്നും അദ്ദേഹം പേര് വെളിപ്പെടുത്താതെ അറിയിച്ചു. അടുത്തിടെയാണ് സ്വന്തം നിർമ്മാണ കമ്പനിയുടെ കാര്യം സാന്ദ്ര വെളിപ്പെടുത്തിയത്.

സാന്ദ്ര പ്രൊഡക്ഷൻസ് എന്നാണ് കമ്പനിയുടെ പേര്. ആദ്യ ചിത്രം ഒരു നവാഗതസംവിധായകന്റെ ആയിരിക്കുമെന്നും അഭിനയത്തിലേക്ക് കാലെടുത്തുവെക്കാൻ ആഗ്രഹിക്കുന്ന വ്യക്തികൾക്ക് ആകാശത്തേക്കുള്ള ഒരു ജനാല ആയിരിക്കും ഈ നിർമ്മാണ കമ്പനി എന്നും സാന്ദ്ര പറയുന്നു.