‘നിഖില വിമലിനെ വിവാഹം കഴിക്കാന്‍ താത്പര്യമുണ്ട്, നിഖിലയ്ക്ക് ഇപ്പോള്‍ വിവാഹം വേണ്ട എന്ന നിലപാടാണ്’; സന്തോഷ് വര്‍ക്കി പറയുന്നു

മോഹന്‍ലാല്‍ നായകനായി എത്തിയ ആറാട്ട് എന്ന ചിത്രത്തിന്റെ റിവ്യൂ പറഞ്ഞ് ശ്രദ്ധേയനായ ആളാണ് സന്തോഷ് വര്‍ക്കി. ‘മോഹന്‍ലാല്‍ ആറാടുകയാണ്’ എന്ന് സന്തോഷ് വര്‍ക്കി പറഞ്ഞത് ട്രോള്‍ പേജുകള്‍ ഉള്‍പ്പെടെ ഏറ്റെടുത്തു. ഇതിന് ശേഷം നിത്യ മേനോനെ വിവാഹം ചെയ്യാന്‍ ആഗ്രഹിച്ചിരുന്നുവെന്ന സന്തോഷ് വര്‍ക്കിയുടെ തുറന്നു പറച്ചിലുകളും വാര്‍ത്തയായിരുന്നു. ഇപ്പോഴിതാ നടി നിഖില വിമലിനെ വിവാഹം കഴിക്കാന്‍ താത്പര്യമുണ്ടെന്ന് പറഞ്ഞിരിക്കുകയാണ് സന്തോഷ് വര്‍ക്കി.

തനിക്ക് നിഖിലയെ ഇഷ്ടമാണെന്ന് സന്തോഷ് പറയുന്നു. വിവാഹ കാര്യത്തെക്കുറിച്ച് നിഖിലയുടെ അമ്മയോട് സംസാരിച്ചിരുന്നു. എന്നാല്‍ നിലവില്‍ വിവാഹം വേണ്ട എന്ന നിലപാടാണ് നടിക്ക്. നിഖിലയുടെ ലൈഫില്‍ പണ്ട് എപ്പോഴോ ഒരു ബ്രേക്ക് അപ് നടന്നതാണ്. അതുകൊണ്ട് ഇപ്പോള്‍ വിവാഹം കഴിക്കാന്‍ താത്പര്യമില്ലെന്നാണ് നിഖില പറയുന്നത്. തനിക്ക് മാത്രം ഇഷ്ടം തോന്നിയിട്ട് കാര്യമില്ല. അവര്‍ക്കും തോന്നണം. തനിക്ക് എപ്പോഴും ഇങ്ങനെ തന്നെയാണ്. വണ്‍ സൈഡ് ലവ് മാത്രമേ ഉണ്ടാകാറുള്ളൂ എന്നും സന്തോഷ് വര്‍ക്കി പറഞ്ഞു.

നിഖില കണ്ണൂര്‍കാരിയാണ്. കമ്മ്യൂണിസ്റ്റുകാരിയാണ്. താനും കമ്മ്യൂണിസ്റ്റാണ്. നല്ല ബോള്‍ഡാണവര്‍. നല്ല സുന്ദരിയാണ്. ഒരിക്കല്‍ താന്‍ അവരെ ഫോണ്‍ വിളിച്ചിരുന്നു. ആറാട്ട് അണ്ണന്‍ ആണെന്ന് പറഞ്ഞപ്പോല്‍ അറിയില്ലെന്നും യൂട്യൂബ് ഉപയോഗിക്കാറില്ലെന്നും പറഞ്ഞു. നല്ല ബുദ്ധിയുള്ള കുട്ടിയാണ് നിഖിലയെന്നും സന്തോഷ് വര്‍ക്കി കൂട്ടിച്ചേര്‍ത്തു.