“കായംകുളം കൊച്ചുണ്ണി കണ്ടപ്പോൾ ഇത്തിക്കര പക്കിയായി മോഹൻലാൽ കുറച്ചു നേരം കൂടി ഉണ്ടായിരുന്നെങ്കിൽ എന്ന് ആഗ്രഹിച്ചു” ശരണ്യ പൊൻവണ്ണൻ

ശരണ്യ പൊൻവണ്ണൻ എന്ന പേര് കേട്ടാൽ മലയാളികൾക്കു പെട്ടെന്ന് ഓർമ വരുന്നത് വേലൈ ഇല്ലാ പട്ടധാരി എന്ന ചിത്രത്തിലെ ധനുഷിന്റെ അമ്മ വേഷമാണ്. കമൽ ഹാസന്റെ നായികയായി 1987ൽ മണിരത്നം ചിത്രം നായകനിലൂടെ തുടക്കം കുറിച്ച ശരണ്യ 1989ൽ മമ്മൂട്ടിയുടെ നായികയായി അർത്ഥത്തിലൂടെ മലയാളത്തിലും അരങ്ങേറ്റം കുറിച്ചു. ഒരു ചെറിയ ഇടവേളക്ക് ശേഷം തിരിച്ചെത്തിയ ശരണ്യ ഇപ്പോൾ അമ്മവേഷങ്ങളിലൂടെയാണ് ശ്രദ്ധേയമാകുന്നത്. ടോവിനോ ചിത്രം ഒരു കുപ്രസിദ്ധ പയ്യനിലൂടെ വീണ്ടും മലയാളത്തിൽ എത്തിയിരിക്കുകയാണ് നടി.

മലയാളത്തിലെ തന്റെ ഫേവറിറ്റ് ആക്ടേര്‍സ് തിലകനും മോഹന്‍ലാലും ആണെന്നാണ് ശരണ്യ പറയുന്നത്. ഒരു മോഹന്‍ലാല്‍ ആരാധിക ആയതു കൊണ്ട് തന്നെ കായംകുളം കൊച്ചുണ്ണി എന്ന ചിത്രം കണ്ടപ്പോള്‍ അതില്‍ കുറച്ചു സമയം കൂടി മോഹന്‍ലാല്‍ ഇത്തിക്കര പക്കി ആയി ഉണ്ടായിരുന്നെങ്കില്‍ എന്ന് ആഗ്രഹിച്ചു പോയി എന്ന് ശരണ്യ പറയുന്നു. മോഹന്‍ലാലിന്റെ കഥാപാത്രത്തെ അണിയറ പ്രവര്‍ത്തകര്‍ക്ക് കുറച്ചു കൂടി ഡെവലപ്പ് ചെയ്യാമായിരുന്നു എന്നും കുറച്ചു കൂടി ഫാന്റസിയും മാസ്സും ചേര്‍ത്ത് ആ കഥാപാത്രത്തെ കൂടുതല്‍ ശ്കതമാക്കാമായിരുന്നു എന്നും ശരണ്യ പറയുന്നു. പ്രേക്ഷകരും അങ്ങനെ ഒരു കാര്യം ആഗ്രഹിച്ചിരുന്നു എന്നത് തന്നെയാണ് സത്യം.