‘അന്ന് മുകേഷേട്ടനും പിഷാരടിയുമൊക്കെ കൈയ്യടിച്ചു, ഒരുപാട് സന്തോഷം തോന്നി അപ്പോള്‍’; സൗമ്യ ഭാഗ്യനാഥ്

മിനിസ്‌ക്രീന്‍ പ്രേക്ഷകര്‍ക്ക് സുപരിചിതയാണ് നടി സൗമ്യ ഭാഗ്യനാഥ്. കോമഡി പരിപാടികളില്‍ കൂടിയാണ് താരം ശ്രദ്ധ നേടുന്നത്. നടിയും നര്‍ത്തകിയുമായ താരം അനായാസമായി കോമഡിയും കൈകാര്യം ചെയ്യും. ഏഷ്യാനെറ്റില്‍ സംപ്രേക്ഷണം ചെയ്ത ബഡായി ബംഗ്ലാവിലും താരം പ്രത്യക്ഷപ്പെട്ടിട്ടുണ്ട്. ഇപ്പോഴിതാ ബഡായി ബംഗ്ലാവില്‍ ഒരിക്കല്‍ തനിക്കുണ്ടായ മറക്കാനാവാത്ത ഒരു അനുഭവം പറയുകയാണ് സൗമ്യ. ഒരിക്കല്‍ ഏറെ വൈകി ബഡായി ബംഗ്‌ളാവിന്റെ ഷൂട്ടിങ് നടത്തിയപ്പോള്‍ ഉണ്ടായ അനുഭവമാണ് സൗമ്യ പറയുന്നത്.

അന്ന് ബഡായി ബംഗ്‌ളാവിന്റെ ഷൂട്ടിംഗ് ആരംഭിച്ചത് ഒരുപാട് രാത്രിയായിട്ടാണ്. മുകേഷേട്ടനും പിഷാരടിയും ഒക്കെ അവിടെ അപ്പോള്‍ ഉണ്ടായിരുന്നു. മുകേഷേട്ടനൊക്കെ ക്ഷീണിച്ച് ഇരിക്കുവാണ്. അന്ന് എന്റെ വലിയ ഒരു സീന്‍ ആയിരുന്നു എടുക്കാന്‍ ഉണ്ടായിരുന്നത്. ചെറിയ ഒരു പേടിയും അന്ന് എനിക്ക് ഉണ്ടായിരുന്നു. ഭാഗ്യത്തിന് ഷൂട്ട് തുടങ്ങി ഞാന്‍ സ്റ്റേജില്‍ കയറിപ്പോയി ആദ്യ ടേക്ക് തന്നെ ഒക്കെ ആക്കുകയായിരുന്നു. ഒരുപാട് സന്തോഷം തോന്നിയിരുന്നു അപ്പോള്‍. ഇതിന് സൗമ്യക്ക് വലിയൊരു കൈയ്യടി കൊടുക്കണമെന്ന് പിഷാരടി പറഞ്ഞു. എല്ലാവരും അപ്പോള്‍ കൈ അടിക്കുകയും ചെയ്തു. ഒരുപാട് സന്തോഷം തന്ന ദിവസങ്ങളില്‍ ഒന്നായിരുന്നു അത്. അപ്പോള്‍ തനിക്ക് ഒരുപാട് സന്തോഷം തോന്നിയെന്നും സൗമ്യ പറയുന്നു.

അഭിനയത്തിലേക്ക് എത്തുന്നതിനു മുമ്പ് ഒരു റിസോര്‍ട്ടില്‍ നര്‍ത്തകി ആയി ആയിരുന്നു സൗമ്യ. നല്ല ശമ്പളം ലഭിക്കുമായിരുന്നതിനാല്‍ ആ ജോലിയില്‍ കുറേ കാലം സൗമ്യ തുടര്‍ന്നു. അങ്ങനെ ആ റിസോര്‍ട്ടില്‍ ജോലി ചെയ്തു വരുന്നതിനിടയിലാണ് കൗമുദി ടിവിയിലെ അളിയന്‍സ് എന്ന പരിപാടിയിലേക്ക് സൗമ്യയെ വിളിക്കുന്നത്. അങ്ങനെ ആണ് സൗമ്യ മിനിസ്‌ക്രീനിലേക്ക് എത്തിയത്.