‘ഇമ്മാതിരി വേട്ടാവളിയന്മാരുടെ അടുത്ത് എനിക്ക് റിവഞ്ചുമില്ല ഒരു കോപ്പുമില്ല’; ബിഗ് ബോസിൽ നിന്ന് റോബിൻ രണ്ടാംവട്ടം പുറത്തായത് ആഘോഷമാക്കി ശാലു പേയാട്

ബിഗ് ബോസ് ഹൗസിൽ വീണ്ടും എത്തിയ റോബിൻ രാധാകൃഷ്ണൻ വീണ്ടും പുറത്താക്കപ്പെട്ടു. സംയമനം വിട്ട് പെരുമാറിയതിനെ തുടർന്നാണ് റോബിൻ രാധാകൃഷ്ണനെ പുറത്താക്കിയത്. ഏതായാലും രണ്ടാം തവണയും റോബിൻ ബിഗ് ബോസിൽ നിന്ന് പുറത്തായത് ആഘോഷമാക്കിയിരിക്കുകയാണ് സ്റ്റിൽ ഫോട്ടോഗ്രാഫർ ശാലു പേയാട്. ബിഗ്ബോസ് ഷോയില്‍ നിന്നും റോബിനെ പുറത്താക്കിയെന്ന് പ്രഖ്യാപിക്കുന്ന വീഡിയോയാണ് ശാലു ആദ്യം പോസ്റ്റ് ചെയ്തത് പിന്നാലെ സെല്‍ഫി വീഡിയോ പോസ്റ്റ് ചെയ്തു.

നല്ല ജോലിത്തിരക്കാണെന്ന് ആദ്യം തന്നെ വ്യക്തമാക്കുന്ന ശാലു ഇന്നത്തെ ദിവസം സ്റ്റോറി ഇടാന്‍ പറ്റിയില്ലെങ്കില്‍ പിന്നെ ജീവിതത്തില്‍ ഇതുപോലൊന്ന് ഇടാന്‍ പറ്റിയെന്ന് വരില്ലെന്ന് പറഞ്ഞാണ് തുടങ്ങുന്നത്. ദൈവമായിട്ട് കൊണ്ട് തന്നതാണ് ഇതെന്നും ഇതാണ് പറയുന്നത് അവനവന്‍ ചെയ്യുന്ന ഉഡായിപ്പുകളൊക്കെ അവനവന് തന്നെ വന്നു ചേരുമെന്നും ശാലു പറയുന്നു. സത്യമായിട്ടും ഞാന്‍ മനസാവാചാ അറിയാത്തൊരു കാര്യത്തിനാണ് എന്നെക്കൊണ്ട് മാപ്പ് പറയിപ്പിച്ചത്. എല്ലാം കള്ളത്തരങ്ങളായിരുന്നു. രണ്ടു പേരും കൂടെ നാടകം കളിക്കുകയായിരുന്നു

അതിന്റെ സത്യാവസ്ഥ എല്ലാവര്‍ക്കും അറിയാം. പക്ഷെ ഇപ്പോഴും വിശ്വസിക്കാത്തവരുണ്ട്. എനിക്ക് ഭയങ്കര സന്തോഷമായി. ഇത്രയേയുള്ളൂ. ദൈവം എന്ന് പറയുന്നത് ആരുടേയും കുടുംബസ്വത്തല്ലെന്നും പണിഞ്ഞാല്‍ ദൈവം അതുപോലെ തിരിച്ച് പണി കൊടുക്കുമെന്നും ശാലു പറയുന്നു. യെട്ടനെ പൊട്ടന്‍ ചതിച്ചാല്‍ പൊട്ടന് ദൈവം കൊടുക്കും എന്ന് പറയും. എന്തായാലും താന്‍ വളരെ ഹാപ്പിയാണെന്നും ഇമ്മാതിരി വേട്ടാവളിയന്മാരുടെ അടുത്ത് തനിക്ക് റിവഞ്ചുമില്ല ഒരു കോപ്പുമില്ലെന്നും ശാലു വീഡിയോയില്‍ വ്യക്തമാക്കുന്നു.