ഇനി കുടുംബവിളക്കിലെ ‘വേദിക’യായി ശരണ്യ ആനന്ദ്;ചിത്രങ്ങൾ കാണാം

തിങ്കൾ മുതൽ വെള്ളിവരെ രാത്രി എട്ടുമണിക്ക് ഏഷ്യാനെറ്റ് ചാനലിൽ സംപ്രേഷണം ചെയ്തുവരുന്ന ആരാധകർ നെഞ്ചിലേറ്റിയ പരമ്പരയാണ് കുടുംബവിളക്ക്. നടി മീരാ വാസുദേവ് ഏറെ നാളത്തെ ഇടവേളക്കുശേഷം വീണ്ടും തിളങ്ങുന്ന ഒരു പരമ്പര കൂടിയാണിത്. പരമ്പരയിൽ മീരയെ കൂടാതെ നിരവധി താരങ്ങളും അണിനിരക്കുന്നുണ്ട്. കൃഷ്ണകുമാര്‍, ശ്രീജിത്ത്‌ വിജയ്, നൂബിന്‍ ജോണി, ആതിര മാധവ്‌, സുമേഷ് , മഞ്ജു സതീഷ് , അമൃത, കെ പി എസ് സി സജീവ് തുടങ്ങി നിരവധി താരങ്ങളാണ് അഭിനയിക്കുന്നത്. കൃഷ്ണകുമാർ മേനോൻ അവതരിപ്പിക്കുന്ന സിദ്ധാർത്ഥ് മേനോൻ എന്ന കഥാപാത്രത്തിന്റെ കൂടെ ജോലി ചെയ്യുകയും അടുപ്പം കാണിക്കുകയും ചെയ്യുന്ന കഥാപാത്രം ആയി ആണ് വേദിക പരമ്പരയിൽ എത്തുന്നത്.

കുടുംബവിളക്ക് പരമ്പര ആരംഭിച്ചപ്പോള്‍ ഈ കഥാപാത്രമായെത്തിയിരുന്നത് തെന്നിന്ത്യൻ നായിക ശ്വേത വെങ്കട് ആയിരുന്നു. 1 മുതൽ 56 വരെയുള്ള എപ്പിസോഡിലായിരുന്നു ഇവർ അഭിനയിച്ചിരുന്നത്. പക്ഷേ പിന്നീട് ഇവർ പരമ്പരയിൽ നിന്ന് പിന്മാറിയിരുന്നു. 57 മുതൽ 110 വരെയുള്ള എപ്പിസോഡുകളിൽ അഭിനയിച്ചത് വേദിക നായർ എന്ന നടിയായിരുന്നു. ഇപ്പോൾ തിരുവോണനാളിൽ ഒരു മണിക്കൂർ നീണ്ടുനിന്ന എപ്പിസോഡിൽ വീണ്ടും വേദികയുടെ കഥാപാത്രത്തിനെ മാറ്റിയിരിക്കുകയാണ്. അമേയ നായർ‍ക്ക് പകരം നടി ശരണ്യ ആനന്ദാണ് ഇപ്പോള്‍ വേദിക എന്ന കഥാപാത്രമായി എത്തിയിരിക്കുന്നത്. തമിഴിലും മലയാളത്തിലുമായി നിരവധി ചിത്രങ്ങളിൽ അഭിനയിച്ച് ഏറെ പ്രശസ്തി നേടി നിൽക്കുന്ന താരമാണ് ശരണ്യ. ആകാശഗംഗ 2 എന്ന ചിത്രത്തിൽ കത്തിക്കരിഞ്ഞ ചുടലയക്ഷി ആയി എത്തിയതും ശരണ്യ ആയിരുന്നു.

ഫോട്ടോ ക്രെഡിറ്റ്സ്‌

സെലിബ്രിറ്റി – ശരണ്യ ആനന്ദ്
ഫോട്ടോഗ്രാഫർ – ജെയിംസ് കോട്ടക്കൽ
കോസ്റ്റ്യൂം ഡിസൈനർ – ശ്രുതി നിജിൽ [ടിയാറ ബോട്ടിക്]
സ്റ്റൈലിസ്റ്റ് – ഷാജിലാ ജമേഷ്
മേക്കപ്പ് & ഹെയർ – ജോഷി ജോസ്, വിജേഷ് കൃഷ്‌ണൻ
ആർട്ടിസ്റ്റ് മാനേജർ – അൽത്താഫ് പി ടി
ഇമേജ് കറക്ഷൻ – സുഫിയാൻ മുന്നിയൂർ
മേക്കിങ് വീഡിയോ – ഫഹദ് ഒതുക്കുങ്ങൽ