4 ലക്ഷം ലൈക്കുകളും 10000 കമന്റുകളും !! ഷീലു അബ്രഹാമിന്റെ ഈ പോസ്റ്റിന് എന്താണ് പ്രത്യേകത ??

9 വർഷങ്ങളായി മലയാള സിനിമാലോകത്ത് തിളങ്ങി നിൽക്കുന്ന താരമാണ് ഷീലു എബ്രഹാം. പുതിയ നിയമത്തിലെ ജീനഭായ് ഐപിഎസ് പോലുള്ള കരുത്തുറ്റ വേഷങ്ങളിലൂടെ പ്രേക്ഷകപ്രീതി നേടുവാൻ താരത്തിന് സാധിച്ചു. ജയറാമിന്റെ ആടുപുലിയാട്ടം, പട്ടാഭിരാമന്‍, ദിലീപ് ചിത്രം ശുഭരാത്രി എന്നിങ്ങനെ വിജയ ചിത്രങ്ങളുടെ ഭാഗമായിരുന്നു താരം. കഴിഞ്ഞ ദിവസം താരം ഫെയ്സ്ബുക്കിൽ പങ്കുവെച്ച ഒരു പോസ്റ്റിന് ലഭിച്ച സ്വീകാര്യത ആണ് ഇപ്പോൾ ഏവരെയും അമ്പരപ്പിക്കുന്നത്. ഇതിനുള്ള ഉത്തരം കമന്റ് ബോക്സിൽ നിന്ന് തന്നെ നമുക്ക് ലഭിക്കും.

‘സദൃശ്യവാക്യം’ എന്ന ചിത്രത്തിലെ അഭിനയത്തിന് ഷീലുവിന് ലഭിച്ച് അംഗീകാരമാണ് ആ പോസ്റ്റിന് ലഭിച്ച സ്വീകാര്യതയ്ക്ക് പിന്നില്‍. നന്ദി എന്ന് മാത്രം കുറിച്ച പോസ്റ്റ്, ഷീലു എന്ന അഭിനേത്രിയുടെ പ്രകടനത്തെ അംഗീകരിക്കാനുള്ള വഴി ആക്കി മാറ്റുകയായിരുന്നു പ്രേക്ഷകർ. ടെലിവിഷനില്‍ ചിത്രത്തിന്റെ പ്രീമിയര്‍ വന്നതിന് പിന്നാലെയാണ് ഷീലു ഫെയ്‌സ്ബുക്കില്‍ നന്ദിയറിയിച്ച് പോസ്റ്റിട്ടത്. നിമിഷനേരം കൊണ്ടാണ് പോസ്റ്റിന് 4 ലക്ഷത്തോളം ലൈക്കും 10000 കമന്‍റുകളും 1600- ന് മേല്‍ ഷെയറും ലഭിച്ചത്. സൗത്ത് ലൈവിന് നൽകിയ അഭിമുഖത്തിൽ ഇതിൽ പോസ്റ്റിന് ലഭിച്ച സ്വീകാര്യത തന്നെ അതിശയിപ്പിച്ചു എന്നും പ്രേക്ഷകർ തനിക്ക് നൽകിയ സ്നേഹമാണ് അത് എന്നും താരം പറയുന്നു.

താരത്തിന്റെ വാക്കുകൾ:

‘ചിത്രത്തിന്റെ പ്രീമിയര്‍ വന്ന് കഴിഞ്ഞ് അതിന് പ്രേക്ഷകര്‍ തന്ന സ്വീകാര്യയ്ക്ക് നന്ദിയറിയിച്ച് ഇട്ട പോസ്റ്റാണിത്. എന്നാല്‍ ഇതിനിത്ര സ്വീകാര്യത ലഭിക്കുമെന്ന് പ്രതീക്ഷിച്ചില്ല. സദൃശ്യവാക്യം എന്ന ചിത്രത്തെയും അതിലെ എന്റെ കഥാപാത്രത്തെയും പ്രേക്ഷകര്‍ സ്വീകരിച്ചു എന്ന് അറിയുന്നതില്‍ ഏറെ സന്തോഷമുണ്ട്. ഒന്‍പത് വര്‍ഷത്തോളമായി സിനിമയില്‍ ഉള്ള ആളാണ് ഞാന്‍. എല്ലാത്തിനും ഒരു സമയം ഉണ്ടെന്നാണ് വിശ്വസിക്കുന്നത്. ആ ഭാഗ്യം എന്നിലേക്ക് കൂടുതല്‍ അടുത്തു എന്നു കരുതുന്നു.’