‘ഞങ്ങൾക്ക് കണക്ട് ചെയ്യാൻ പറ്റി, നന്നായിരുന്നു’: കുഞ്ഞുമനസുകൾ കീഴടക്കി പ്യാലി

പ്യാലി എന്ന കൊച്ചു പെൺകുട്ടിയുടെയും അവളുടെ സഹോദരൻ സിയയുടെയും കഥ പറയുന്ന സിനിമയാണ് പ്യാലി. ചിത്രത്തിന്റെ പ്രിവ്യൂ കൊച്ചിയിൽ നടന്നു. മികച്ച പ്രതികരണമാണ് പ്രിവ്യൂവിന് ശേഷം ചിത്രത്തിന് ലഭിച്ചത്. കുട്ടികൾ കാണേണ്ട മൂവിയാണെന്നും ഇമോഷണലാണെന്നും സംഗീത സംവിധായകൻ രഞ്ജിൻ രാജ് പറഞ്ഞു. പ്രശാന്ത് പിള്ളയാണ് ചിത്രത്തിലെ മ്യൂസിക് എന്നും നല്ല സ്കോർ ആണെന്നും രഞ്ജിൻ പറഞ്ഞു. പാട്ടൊക്കെ വളരെ വ്യത്യസ്തമായാണ് ചെയ്തിരിക്കുന്നതെന്നും അതെല്ലാം വർക്ക് ഔട്ട് ആയെന്നും രഞ്ജിൻ പറഞ്ഞു. പാൻ ഇന്ത്യൻ കൾച്ചർ ഫീൽ ചെയ്യുന്ന മൂവി ആണെന്നും എല്ലാവരും വന്ന് കാണണമെന്നും രഞ്ജിൻ പറഞ്ഞു.

ഒരു ലൈഫുള്ള സിനിമയാണെന്നും ഫാമിലി ആയി കണ്ടിരിക്കാമെന്നും ആയിരുന്നു ഒരു പ്രേക്ഷകന്റെ അഭിപ്രായപ്പെട്ടത്. ക്ലൈമാക്സ് ഒക്കെ ഭയങ്കര സ്വീറ്റ് ആയിരുന്നെന്നും ഫീൽ ഗുഡ് ആണെന്നും പറഞ്ഞപ്പോൾ ഇത് ഒരു നന്മയുള്ള സിനിമയാണെന്ന് അഭിപ്രായപ്പെട്ടവരും ഉണ്ട്. ‘ഒരു കുഞ്ഞ് ഇത്രയും നന്നായിട്ട് അഭിനയിക്കുക എന്ന് പറഞ്ഞാൽ അത്ഭുതം തോന്നേണ്ടതാണ്. ഫാമിലിയും കുട്ടികളും എന്തായാലും കാണേണ്ട ചിത്രമാണ്. കലയെ സ്നേഹിക്കുന്ന എല്ലാവരും കാണേണ്ടതാണ്. ശരിക്കും നന്നായി ടച്ച് ചെയ്തു.’ – ചിത്രം കണ്ടിറങ്ങിയവരിൽ ഒരാൾ പറഞ്ഞത് ഇങ്ങനെ.

വളരെ നല്ല സിനിമയാണെന്നും കുട്ടികളെ ഒപ്പം കൊണ്ടുവന്നു തന്നെ ഈ സിനിമ കാണണമെന്നും സംവിധായികയായി റഥീന പറഞ്ഞു. കുട്ടികൾക്ക് ഈ സിനിമയിൽ കാണാനും എക്സിപീരിയൻസ് ചെയ്യാനും ഉണ്ടെന്നും അതുകൊണ്ടു തന്നെ കുട്ടികളുമായി സിനിമയ്ക്ക് വരണമെന്നും രഥീന പറഞ്ഞു. സിനിമ തനിക്ക് ഭയങ്കരമായി ഇഷ്ടപ്പെട്ടെന്നും ഹൃദയസ്പർശിയാണെന്നും ചിത്രത്തിലെ പ്യാലി എന്ന കഥാപാത്രത്തെ അവതരിപ്പിച്ച ബാർബി പറഞ്ഞു. താൻ കരഞ്ഞെന്നും ഒപ്പം അഭിനയിച്ചവർ തനിക്ക് വലിയ പിന്തുണയാണ് നൽകിയതെന്നും ബാർബി പറഞ്ഞു.