‘ഒന്ന് ഉറക്കെ കരഞ്ഞൂടേ’ എന്ന് കമന്റ്; മറുപടിയുമായി അഭയ ഹിരണ്‍മയി

സംഗീത സംവിധായകന്‍ ഗോപി സുന്ദറും ഗായിക അമൃത സുരേഷും ഒരുമിച്ചുള്ള ചിത്രം സോഷ്യല്‍ മീഡിയയില്‍ ചര്‍ച്ചയ്ക്ക് വഴിവച്ചിരിക്കുകയാണ്. ഇരുവരും പ്രണയത്തിലാണെന്നാണ് ഒരുവിഭാഗം പറയുന്നത്. പലരും വിമര്‍ശനവുമായും രംഗത്തെത്തിയിട്ടുണ്ട്. ഗോപി സുന്ദറിന്റെ പങ്കാളിയായിരുന്ന അഭയ ഹിരണ്‍മയിയുടെ സോഷ്യല്‍ മീഡിയ പോസ്റ്റിന് താഴെയും കമന്റുകള്‍ വരുന്നുണ്ട്. അതില്‍ ഒരാള്‍ക്ക് അഭയ നല്‍കിയ മറുപടിയാണ് ശ്രദ്ധ നേടുന്നത്.

കഴിഞ്ഞ ദിവസം ജന്മദിനം ആഘോഷിച്ചുകൊണ്ടുള്ള ചിത്രങ്ങള്‍ അഭയ സോഷ്യല്‍ മീഡിയയില്‍ പങ്കുവച്ചിരുന്നു. ഇതിന് താഴെയാണ് ഒരാള്‍ ‘ഒന്ന് ഉറക്കെ കരഞ്ഞൂടേ’ എന്ന് കമന്റിട്ടത്. ഇതിന് ‘എന്തിന്’എന്നായിരുന്നു അഭയ നല്‍കിയ മറുപടി.

പതിനൊന്ന് വര്‍ഷമായി ലിവിംഗ് റിലേഷന്‍ഷിപ്പിലായിരുന്നു ഗോപി സുന്ദറും അഭയയും. വിവാഹം കഴിക്കാതെ ഒന്നിച്ചു കഴിയുന്നതിനെക്കുറിച്ച് നേരത്തേ അഭയ സോഷ്യല്‍ മീഡിയയില്‍ പങ്കുവച്ചിരുന്നു. ഗോപി സുന്ദറുമായി പന്ത്രണ്ട് വയസ് പ്രായവ്യത്യാസമുണ്ടെന്നും അഭയ പറഞ്ഞിരുന്നു. ഗോപി സുന്ദറുമായുള്ള ബന്ധത്തിന്റെ പേരില്‍ അഭയ പലപ്പോഴും സൈബര്‍ ആക്രമണത്തിന് ഇരയായിട്ടുണ്ട്.