ഗായിക അമൃത സുരേഷിന് തലയിടിച്ച് പരിക്ക്, പ്രതിസന്ധികൾക്ക് ഇടയിലും തന്നെ വേട്ടയാടുന്ന യുട്യൂബ് ചാനലിനെതിരെ നിയമപരമായി നീങ്ങി താരം

ഗായിക അമൃത സുരേഷിന് തലയിടിച്ച് പരിക്ക്. ഇൻസ്റ്റഗ്രാം സ്റ്റോറിയിലൂടെ താരം തന്നെയാണ് ഇക്കാര്യം അറിയിച്ചത്. കോണിപ്പടികൾക്ക് താഴെയിരുന്ന് ഷൂ ലേസ് കെട്ടിയ ശേഷം എഴുന്നേറ്റപ്പോൾ തല ഇടിച്ച് പരിക്കേൽക്കുകയായിരുന്നു. രണ്ട് സ്റ്റിച്ച് ഉണ്ട്. വ്യക്തിപരമായ പ്രതിസന്ധികൾക്ക് ഇടയിൽ കൂടിയും വിവാദങ്ങൾക്കിടയിൽ കൂടിയും കടന്നുപോകുന്നതിന് ഇടയിലാണ് ഇത്തരമൊരു അപകടവും താരത്തെ തേടിയെത്തിയത്.

അതേസമയം, തനിക്കെതിരെ നിരന്തരമായി അപകീർത്തികരമായ വാർത്തകൾ നൽകിയ ഒരു യുട്യൂബ് ചാനലിന് എതിരെ നിയമപരമായി നീങ്ങിയിരിക്കുകയാണ് അമൃത ഇപ്പോൾ. സോഷ്യൽ മീഡിയയിലൂടെ അമൃത തന്നെയാണ് ഇക്കാര്യം വ്യക്തമാക്കിയത്. കഴിഞ്ഞയിടെ നടനും അമൃതയുടെ മുൻ ഭർത്താവുമായ ബാലയെ അസുഖബാധിതനായി ആശുപത്രിയിൽ പ്രവേശിപ്പിച്ചിരുന്നു.

ബാലയ്ക്ക് കരൾ സംബന്ധമായ രോഗങ്ങൾ ആണെന്നാണ് റിപ്പോർട്ടുകൾ. ആശുപത്രിയിൽ കഴിയുകയായിരുന്ന ബാലയെ കാണാൻ അമൃത മകൾക്കും മറ്റ് കുടുബാംഗങ്ങൾക്കും ഒപ്പം ആശുപത്രിയിൽ എത്തിയിരുന്നു. ഇതിനു പിന്നാലെ ബാലയ്ക്ക് അമൃത കരൾ നൽകുമെന്ന തരത്തിൽ ചില യുട്യൂബ് ചാനലുകൾ നിരന്തരമായി വാർത്ത നൽകി. മകൾ പാപ്പുവിനെക്കുറിച്ചും വാ‍ർത്ത നൽകി. തുടർച്ചയായി തെറ്റിദ്ധരിപ്പിക്കുന്ന തരത്തിൽ ഇത്തരത്തിൽ വാർത്ത നൽകിയ ചാനലിനെതിരെ അപകീർത്തി കേസ് നൽകിയിരിക്കുകയാണ് അമൃത സുരേഷ്. ‘കുടിച്ച് നശിപ്പിച്ചവന് കരള്‍ ഞാന്‍ കൊടുക്കാനോ? നിനക്ക് ഭ്രാന്താണോ? പാപ്പുവിന്റെ മുന്നില്‍ വച്ച് അയാളോട് അമൃത കയര്‍ത്തു’ എന്ന തലക്കെട്ടോടെ വന്നൊരു യൂട്യൂബ് ചാനല്‍ വാര്‍ത്തയ്‌ക്കെതിരെ അമൃതയുടെ സഹോദരി അഭിരാമിയും രംഗത്തെത്തിയിരുന്നു. സിനിമ ന്യൂസ് മലയാളം എന്ന ചാനലിന് എതിരെയാണ് നിയമപരമായി രംഗത്തെത്തിയത്.