കുഞ്ചാക്കോ ബോബനും – തെന്നിന്ത്യന്‍ സൂപ്പര്‍ സ്റ്റാര്‍ നയന്‍താരയും പ്രധാന വേഷത്തിലെത്തുന്ന ചിത്രമാണ് നിഴല്‍. കുഞ്ചാക്കോ ബോബനും നയന്‍താരയും ആദ്യമായി ഒന്നിക്കുന്ന ചിത്രം കൂടിയാണ് നിഴല്‍, ലാല്‍, സൈജു കുറുപ്പ്, റോണി, തുടങ്ങി വന്‍ താരനിര തന്നെയുണ്ട് ചിത്രത്തില്‍.
ഇവരെ കൂടാതെ ചിത്രത്തില്‍ മറ്റൊരു ശ്രദ്ധേയമായ വേഷം ചെയ്ത പയ്യോളി സ്വദേശി സിയാദ് യദുവിന്റെ പ്രകടനം എടുത്തു പറയേണ്ടതാണ്. കുഞ്ചാക്കോ ബോബന്‍ അവതരിപ്പിക്കുന്ന ബേബി ജോണിന്റെ ഡ്രൈവറായ കൈഫിനെയാണ് യദു അവതരിപ്പിക്കുന്നത്. കുഞ്ചാക്കോ ബോബനുമായുള്ള കോമ്പിനേഷന്‍ രംഗങ്ങള്‍ എല്ലാം വളരെ മനോഹരമായി സിയാദ് അവതരിപ്പിച്ചിട്ടുണ്ട്.
ടോവിനോ തോമസ് നായകനായ തീവണ്ടി- കല്‍ക്കി എന്നിട്ട് ചിത്രങ്ങളില്‍ സിയാദ് പ്രധാന കഥാപാത്രത്തെ അവതരിപ്പിച്ചിരുന്നു. കൂടാതെ പടവെട്ട്, കുറുപ്പ്, ഒറ്റ് തുടങ്ങി നിരവധി ചിത്രങ്ങളാണ് സിയാദിന്റെതായി അണിയറയില്‍ ഒരുങ്ങുന്നത്.
പ്രശസ്ത എഡിറ്ററായ അപ്പു ഭട്ടതിരി ആദ്യമായി സംവിധാനം ചെയ്യുന്ന ചിത്രമാണ് നിഴല്‍. കുറച്ചു ദിവസങ്ങള്‍ക്കു മുമ്പ് പുറത്തിറങ്ങിയ ഈ ചിത്രത്തിന്റെ ട്രെയിലറിന് മികച്ച പിന്തുണയായിരുന്നു ലഭിച്ചത്. നയന്‍താരയ്‌ക്കൊപ്പം ആദ്യമായാണ് ഒരു മുഴുനീള കഥാപാത്രമായി കുഞ്ചാക്കോബോബനും എത്തുന്നത്. ഫസ്റ്റ് ക്ലാസ് ജുഡീഷ്യല്‍ മജിസ്‌ട്രേറ്റ് ജോണ്‍ ബേബി എന്ന കഥാപാത്രത്തെയാണ് കുഞ്ചാക്കോ ബോബന്‍ അവതരിപ്പിക്കുന്നത്. ഷര്‍മിള എന്ന കഥാപാത്രത്തെ നയന്‍താരയും അവതരിപ്പിക്കുന്നു.
ത്രില്ലര്‍ സ്വഭാവമുള്ള ഈ ചിത്രം നിര്‍മ്മിച്ചിരിക്കുന്നത് ആന്റോ ജോസഫ്, ബാദുഷ, അഭിജിത്ത് എം പിള്ള, ഫെല്ലിനി, ജിനേഷ് ജോസ് തുടങ്ങിയവര്‍ ചേര്‍ന്നാണ്. അപ്പു ഭട്ടതിരികൊപ്പം, അരുണ്‍ലാല്‍ എസ് പിയും ചേര്‍ന്നാണ് എഡിറ്റിംഗ് നിര്‍വഹിച്ചിരിക്കുന്നത്. എസ് സഞ്ജീവ് ആണ് ചിത്രത്തിന്റെ തിരക്കഥ. സൂരജ് എസ് കുറുപ്പ് സംഗീതവും, സ്റ്റെഫി സേവ്യര്‍ വസ്ത്രാലങ്കാരവും, ദീപക് ഡി മേനോന്‍ ചായാഗ്രഹണവും നിര്‍വഹിച്ചിരിക്കുന്നു
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…