ഇന്നും നാഗവല്ലിയെ ഓർക്കാതെ ഒരു ദിവസം പോലും കടന്ന് പോകുന്നില്ല!

മലയാള സിനിമയിൽ വലിയ തരംഗം സൃഷ്ട്ടിച്ച ചിത്രം ആയിരുന്നു മണിച്ചിത്രത്താഴ്. റിലീസ് ചെയ്തു വർഷങ്ങൾ കഴിഞ്ഞിട്ടും ഇന്നും മലയാളികൾ മടുപ്പ് കൂടാതെ ചിത്രം കാണുന്നു. ചിത്രത്തിലെ പാട്ടും രംഗങ്ങളും എന്തിനേറെ പറയുന്നു, ഡയലോഗുകൾ പോലും ഇന്നും ഓരോ മലയാളിക്കും കാണാപ്പാഠം ആണ്. ചിത്രത്തിലെ ശോഭനയുടെയും മോഹൻലാലിന്റേയും സുരേഷ് ഗോപിയുടെയും എല്ലാം അഭിനയം ചിത്രത്തിന്റെ വിജയത്തിന് കാരണമായി. ശോഭന എന്ന നടി ഇല്ലായിരുന്നുവെങ്കിൽ ഒരു പക്ഷെ മണിച്ചിത്രത്താഴ് സിനിമ പിറകില്ലായിരുന്നുവെന്ന് ചിത്രത്തിന്റെ സംവിധായകൻ ഫാസിൽ പറഞ്ഞിരുന്നു. ഇപ്പോൾ ചിത്രത്തെ പറ്റി ശോഭന പറഞ്ഞ വാക്കുകൾ ആണ് ശ്രദ്ധ നേടുന്നത്.

മണിച്ചിത്രത്താഴ് ” എന്ന, എക്കാലത്തെയും മെഗാ ഹിറ്റ് സിനിമയുടെ 27-ാം പിറന്നാൾ ആണ് നാളെ. ഒരു ബ്ലോക്ക്ബസ്റ്റർ സിനിമ എന്നതിലുപരി, ചലച്ചിത്രനിർമ്മാണകലയ്ക്ക് ഇന്നും ഒരു റഫറൻസ് ഗ്രന്ഥമായി ഈ ചിത്രം നിലകൊള്ളുന്നു.. എൻെറ ജീവിത യാത്രയിൽ ഈ ചിത്രം വലിയ ഒരു മുതൽക്കൂട്ട് തന്നെയായിരുന്നു…..ഇന്നും അതെ..നാഗവല്ലിയെ കുറിച്ച് ഓർമ്മിപ്പിക്കപ്പെടാതെ ഒരു ദിവസം പോലും കടന്നു പോകുന്നില്ല എന്ന് തന്നെ പറയാം…സ്രഷ്ടാവ് ശ്രീ ഫാസിലിന് എല്ലാ നന്മകളും നേരുന്നുവെന്നുമായിരുന്നു ശോഭന കുറിച്ചത്.

നിരവധി പേരാണ് താരത്തിന്റെ പോസ്റ്റിനു കമെന്റുകളുമായി ഏത്തിയത്. ഇന്നും ചിത്രത്തിന്റെ പേര് പറയുമ്പോൾ തന്നെ മലയാളികൾക്ക് ഒരു അഭിമാനം തന്നെയാണ്. ബോക്സ് ഓഫീസിൽ വലിയ വിജയം നേടിയ ചിത്രത്തിന് അന്യ ഭാഷ റീമേക്കുകളും ഇറങ്ങിയിരുന്നു. ആ ചിത്രങ്ങളും വമ്പൻ വിജയം ആണ് നേടിയത്.