ശൈലപുത്രിയുടെ കഥ പങ്ക് വെച്ച് നടി ശോഭനയുടെ നൃത്തം; വീഡിയോ കാണാം

നവദുർഗ്ഗമാരിൽ ഒന്നാമത്തെ ദുർഗ്ഗയാണ് ശൈലപുത്രി. നവരാത്രിയിൽ ആദ്യദിനം ആരാധിക്കുന്നതും ദേവി ശൈലപുത്രിയേയാണ്. സതി, ഭവാനി, പാർവ്വതി , ഹേമവതി എന്നീ നാമങ്ങളും ശൈലപുത്രിക്കുണ്ട്. ഹൈന്ദവ വിശ്വാസമനുസരിച്ച് പ്രകൃതിയാകുന്ന മാതൃസ്വരൂപമാണ് ശൈലപുത്രി. നന്ദിയാണ് ശൈലപുത്രി ദേവിയുടെ വാഹനം. ദേവിയുടെ ഒരുകയ്യിൽ ത്രിശൂലവും മറുകയ്യിൽ കമലപുഷ്പവും കാണപ്പെടുന്നു. ഹിമവാന്റെ മകൾ എന്നാണ് ശൈലപുത്രി എന്ന വാക്കിനർത്ഥം. (ശൈലം= പർവ്വതം, ഹിമാലയം.) പർവ്വതരാജാവായ ഹിമവാന്റെയും മേനാദേവിയുടെയും മകളായാണ് ശക്തി രണ്ടാമത് അവതരിച്ചത്. പർവ്വതരാജന്റെ മകളായതിനാൽ ദേവി പാർവ്വതി എന്നും, ശൈലത്തിന്റെ(ഹിമാലയം) മകളായതിനാൽ ശൈലപുത്രി എന്നും ദേവി അറിയപ്പെടുന്നു.

ശൈലപുത്രിയുടെ കഥ പങ്ക് വെച്ച് നടി ശോഭന നടത്തുന്ന നൃത്തത്തിന്റെ വീഡിയോയായണ് ഇപ്പോൾ സോഷ്യൽ മീഡിയയിൽ ശ്രദ്ധേയമായിരിക്കുന്നത്. ശോഭന തന്നെയാണ് ഇംഗ്ലീഷിലുള്ള നരേഷൻ കൊടുത്തിരിക്കുന്നതും, ദേവിക്കും കഥകളുടെയും ഐതീഹ്യങ്ങളുടെയും നിധിശേഖരത്തിന് ഒരു എളിയ സമർപ്പണം എന്നാണ് തന്റെ ഡാൻസിനെ കുറിച്ച് താരം പറഞ്ഞിരിക്കുന്നത്.