ഭർത്താവിന് പാദപൂജ ചെയ്ത് നടി പ്രണിത സുഭാഷ്; ചിത്രം സോഷ്യൽമീഡിയയിൽ പങ്കുവെച്ച താരത്തിന് രൂക്ഷവിമർശനം

ഭർത്താവിന് പാദപൂജ ചെയ്ത കന്നഡ നടി പ്രണിത സുഭാഷിന് എതിരെ രൂക്ഷവിമർശനവുമായി സോഷ്യൽമീഡിയ. തന്റെ സോഷ്യൽമീഡിയ അക്കൗണ്ടിലാണ് ഭർത്താവിന് പാദപൂജ ചെയ്യുന്ന ചിത്രം പ്രണിത പങ്കുവെച്ചത്. ‘ഭീമന അമാവാസ്യ’ എന്ന് കുറിച്ചാണ് പ്രണിത ചിത്രം പങ്കുവെച്ചത്. കസേരയിൽ ഇരിക്കുന്ന ഭർത്താവിന്റെ കാൽച്ചുവട്ടിൽ ഇരിക്കുന്ന വിധത്തിലാണ് ഫോട്ടോ. ഭർത്താവിന്റെ കാൽച്ചുവട്ടിൽ ഇരുന്ന് അദ്ദേഹത്തിന്റെ പാദപൂജ ചെയ്യുകയാണ് നടിയെന്ന് വ്യക്തം.

ചിത്രം പങ്കുവെച്ചതിനു പിന്നാലെ സോഷ്യൽമീഡിയയിൽ പ്രണിതയ്ക്ക് എതിരെ രൂക്ഷവിമർശനമാണ് ഉയർന്നത്. പ്രണിത പങ്കുവെച്ച ചിത്രം സ്ത്രീവിരുദ്ധത പ്രചരിപ്പിക്കുന്നതാണെന്നാണ് ഒരു വിഭാഗം ശക്തമായി ഉയർത്തുന്ന വിമർശനം. ഭീമന അമാവാസ്യ എന്ന ആഘോഷത്തിന്റെ ഭാഗമായാണ് പാദപൂജ. ഭർത്താവ് നിതിൻ രാജുവിന്റെ പാദപൂജയാണ് താരം നടത്തിയത്.

ഭർത്താവിന്റെ കാൽപാദങ്ങൾ പ്ലേറ്റിൽ വെച്ച് പൂജിക്കുകയാണ് താരം. ട്വിറ്ററിൽ പ്രണിത പങ്കുവെച്ച ചിത്രം നിമിഷങ്ങൾക്കകം തന്നെ ട്വിറ്ററിൽ വൈറലായി. ചിത്രത്തിന് വലിയ രീതിയിലുള്ള വിമർശനങ്ങളും എത്തി. ഭർത്താവിന്റെ കാൽചുവട്ടിൽ ഇരിക്കുന്നത് മണ്ടത്തരമാണെന്നും എഴുന്നേറ്റ് ഭർത്താവിന്റെ ഒപ്പമിരുന്ന് ജീവിതം ആഘോഷിക്കൂ എന്നായിരുന്നു ഒരു കമന്റ്. ഇത്തരത്തിലുള്ള പുരുഷമേധാവിത്ത കാര്യങ്ങൾ ചെയ്യുന്നത് നിർത്തൂ എന്നാണ് ഒരാൾ കുറിച്ചത്.