വീട് വച്ചു, കാര്‍ വാങ്ങി, മീശയും വന്നു, ഇനി പെണ്ണു കെട്ടണം !!! ഒറിജിനല്‍ കുഞ്ഞപ്പന് പറയാനുള്ളത്

സുരാജ് വെഞ്ഞാറമൂട്, സൗബിന്‍ എന്നിവര്‍ കേന്ദ്രകഥാപാത്രമായി എത്തിയ ആന്‍ഡ്രോയ്ഡ് കുഞ്ഞപ്പന്‍ ഏറെ പ്രേക്ഷക ശ്രദ്ദ നേടിയ ചിത്രമായിരുന്നു. ചിത്രത്തിലെ റോബോ കുഞ്ഞപ്പന്‍ ആരാണെന്ന് അണിയറ പ്രവര്‍ത്തകര്‍ പുറത്തുവിട്ടിരിക്കുകയാണ്. സിനിമ കണ്ടവര്‍ നിരവധി സംശയങ്ങള്‍ ആദ്യം ഉയര്‍ത്തിയിരുന്നു. ശരിക്കുമുള്ള റോബോര്‍ട്ട് ആണോ എന്നും ആരാധകര്‍ സംശയം പ്രകടിപ്പിച്ചിരുന്നു.

മലയാള സിനിമയില്‍ നിരവധി കഥാപാത്രങ്ങളിലൂടെ പ്രേക്ഷകര്‍ക്ക് സുപരിചിതനായ സൂരജ് തേലക്കാട് ആണ് റോബോര്‍ട്ട് ആയി ചിത്രത്തില്‍ വേഷമിട്ടത്. വാര്‍ത്ത പുറത്തു വന്നതോടെ സൂരജിന് അഭിനന്ദന പ്രവാഹം ആണ് സോഷ്യല്‍ മീഡിയ നിന്ന് ലഭിക്കുന്നത്. നടന്‍ പക്രുവും സോഷ്യല്‍ മീഡിയയിലൂടെ കുഞ്ഞപ്പന്‍ ആരാണെന്ന് വ്യക്തമാക്കിയിരുന്നു.

ഇപ്പോഴിതാ മനോരമ ഓണ്‍ലൈന്‍ പുറത്തുവിട്ട പ്രത്യേക വീഡിയോ ആണ് സോഷ്യല്‍ മീഡിയയില്‍ വൈറലാകുന്നത്. വീഡിയോയിലെ ഒരു രസകരമായ കാര്യമാണ് ആരാധകര്‍ ഏറ്റെടുത്തിരിക്കുന്നത്. വീട് വച്ചു, കാര്‍ വാങ്ങി, മീശയും വന്നു, ഇനിയൊരു പെണ്ണു കെട്ടണം’. തുടര്‍ന്ന് വിവാഹാഭ്യര്‍ത്ഥന നടത്തുന്നതോടെ വീഡിയോ അവസാനിക്കുകയാണ്. നിരവധി കമന്റുകളാണ് വീഡിയോയ്ക്ക് സോഷ്യല്‍ മീഡിയയില്‍ നിന്നും ലഭിക്കുന്നത്. ആന്‍ഡ്രോയ്ഡ് കുഞ്ഞപ്പനില്‍ അഭിനയിക്കാന്‍ വേഷം ലഭിച്ചപ്പോള്‍ തന്നെ ഒരുപാട് എക്‌സൈറ്റഡ് ആയിരുന്നു എന്നും ചിത്രത്തിന്റെ മികച്ച് റെസ്‌പോണ്‍സിനു വേണ്ടിയാണ് ഇത്രയും കാലം താന്‍ ആയിരുന്നു ആ റോബോട്ടെന്നു മറച്ചുവെച്ചതെന്നും താരം പറഞ്ഞു.