ദൈവവും ലാലേട്ടനും കൂടെയുണ്ടെങ്കിൽ രണ്ടാമൂഴം സംഭവിക്കും;രണ്ടാമൂഴത്തെ കുറിച്ച് മനസ്സ് തുറന്ന് ശ്രീകുമാർ മേനോൻ

ആശിർവാദ് സിനിമാസിന്റെ കഴിഞ്ഞ മൂന്ന് സിനിമകളുടെ വിജയാഘോഷം വരാൻ ഇരിക്കുന്ന മൂന്ന് ചിത്രങ്ങളുടെ അപ്ഡേറ്റുകളും ഇന്നലെ പുറത്ത് വിടുകയുണ്ടായി. ചടങ്ങിനിടെ ആശിർവാദ് സിനിമാസിന്റെ മുൻ ചിത്രമായ ഓടിയന്റെ വിജയാഘോഷവും നടന്നിരുന്നു. ചടങ്ങിൽ ചിത്രത്തിന്റെ സംവിധായകനായ ശ്രീകുമാർ മേനോൻ പറഞ്ഞ വാക്കുകൾ ഇപ്പോൾ ശ്രദ്ധേയമാകുകയാണ്. ഒടിയൻ എന്ന ചിത്രം മലയാളം ഇൻഡസ്ട്രിയിൽ ഏറ്റവും വിമർശനങ്ങൾ നേരിട്ട ഒരു ചിത്രമാണെന്നും താൻ ഏറ്റവും വിമർശനങ്ങൾ നേരിട്ട ഒരു സംവിധായകൻ ആണെന്നും അദ്ദേഹം പറഞ്ഞു.

അത്രയേറെ വിമർശനങ്ങൾ നേരിട്ടിട്ടും ആ ചിത്രം ചരിത്രവിജയം ആയത് ദൈവവും മോഹൻലാലും ഒപ്പമുള്ളത് കൊണ്ടാണെന്നും അദ്ദേഹം പറഞ്ഞു. അതുപോലെ ദൈവവും മോഹൻലാലും ഒപ്പം ഉള്ളതുകൊണ്ട് രണ്ടാമൂഴവും നടക്കുമെന്നും അദ്ദേഹം കൂട്ടിച്ചേർത്തു. വിമർശനങ്ങൾ ഉണ്ടായപ്പോൾ തന്നിൽ നിന്നും അകന്നുപോയവരെയും തനിക്കൊപ്പം നിന്നവരെയും പിന്തുണ നൽകിയ ആന്റണി പെരുമ്പാവൂരിനെയും അവസരത്തിൽ അദ്ദേഹം നന്ദി പറഞ്ഞു. കേരളത്തിൽ ഏറ്റവും ഉയർന്ന ആദ്യ ദിന കളക്ഷൻ നേടിയ ചിത്രവും ഏറ്റവും കൂടുതൽ ഷോകൾ ആദ്യ ദിനം ഇവിടെ കളിച്ച ചിത്രവും ഒടിയൻ ആണ്. 38 രാജ്യങ്ങളിൽ ഒരേ സമയം പ്രദർശനം ആരംഭിച്ച ആദ്യ മലയാള ചിത്രം എന്ന റെക്കോർഡും ഒടിയൻ നേടിയെടുത്തു.