ലാല്‍ അന്നെന്റെ ആ ചിത്രത്തില്‍ അഭിനയിക്കുമ്പോള്‍ വയസ് 22; പക്വതയുള്ള പെരുമാറ്റമാണ് അന്നത്തെ ആ ചെറുപ്പക്കാരനെ സൂപ്പര്‍സ്റ്റാര്‍ ആക്കിയത് !!! ശ്രീകുമാരന്‍ തമ്പി

നടനും നിര്‍മ്മാതാവും സംഘട്ടനം ആവശ്യമില്ല തിരിച്ചറിവ് മതിയെന്ന് സംവിധായകന്‍ ശ്രീകുമാരന്‍ തമ്പി. ഷെയ്ന്‍ നിഗത്തിന്റെ വിലക്കുമായി ബന്ധപ്പെട്ട് അദ്ദേഹം സോഷ്യല്‍മീഡിയയിലൂടെയാണ് പ്രതികരണം അറിയിച്ചത്. യുവതലമുറയിലെ ഏറ്റവും ശ്രദ്ധേയരായ നടന്മാരില്‍ ഒരാളാണ് ഷെയ്ന്‍ നിഗമെന്നും ഈടെ , ഇഷ്‌ക് , കുമ്പളങ്ങി നൈറ്റ്സ് തുടങ്ങിയ ചിത്രങ്ങളിലെ അഭിനയം നന്നായിരുന്നുവെന്നും പക്ഷെ എന്നാല്‍ ഒരു നടന്റെ അഭിനയം പോലെ തന്നെ സുപ്രധാനമാണ് അയാളുടെ അച്ചടക്കവുമെന്ന് അദ്ദേഹം കൂട്ടിചേര്‍ത്തു.

പുതിയ താരങ്ങള്‍ക്കിടയില്‍ ലഹരി ഉപയോഗിക്കുന്ന യുവാക്കളുണ്ടെന്നു സംസാരമുണ്ടെന്നും പക്ഷെ തനിക്ക് അതേക്കുറിച്ച് അറിവില്ലെന്നും പക്ഷെ തന്റെ സിനിമകളുടെ ഒരു സെറ്റിലും മദ്യപിച്ചുകൊണ്ട് ഒരു നടനും പ്രവേശിച്ചിട്ടില്ലെന്നും അദ്ദേഹം പറഞ്ഞു.
മോഹന്‍ലാല്‍ ‘ എനിക്കും ഒരു ദിവസം ” എന്ന ചിത്രത്തില്‍ അഭിനയിക്കുമ്പോള്‍ അദ്ദേഹത്തിന് ഇരുപത്തിരണ്ടു വയസ്സാണ് പ്രായം. ഏതാണ്ട് ഷെയ്‌ന്റെ ഇപ്പോഴത്തെ പ്രായം തന്നെ. തന്റെ ജോലിയില്‍ അങ്ങേയറ്റത്തെ അച്ചടക്കവും കൃത്യനിഷ്ഠയും അന്നും ലാല്‍ കാണിച്ചതായും പക്വതയുള്ള ആ പെരുമാറ്റവും അച്ചടക്കവും കഠിനാദ്ധ്വാനവുമാണ് അന്നത്തെ ആ ചെറുപ്പക്കാരനെ ഇന്നത്തെ നിലയില്‍ എത്തിച്ചതെന്നും അദ്ദേഹം പറഞ്ഞു.

മെഗാസ്റ്റാര്‍ മമ്മൂട്ടി അഭിനയിച്ച ”മുന്നേറ്റം” എന്ന സിനിമയില്‍ ആദ്യമായി അഭിനയിക്കുമ്പോള്‍ അദ്ദേഹവും തികഞ്ഞ അച്ചടക്കം പാലിച്ചിരുന്നതായി അദ്ദേഹം കുറിപ്പിലെഴുതി.അബിയുടെ ആഗ്രഹം പോലെ ഷെയ്ന്‍ ഉയരങ്ങളിലെത്തട്ടെ എന്ന് ആശംസിച്ചാണ് അദ്ദേഹം കുറിപ്പ് അവസാനിപ്പിച്ചത്.