ഇതെങ്ങോട്ടാണ് പോകുന്നതെന്ന് ഭർത്താവ് ചോദിച്ചു,ഡ്രെസ്സ് ഒന്നും കേറാത്ത അവസ്ഥ വരെയെത്തി;തടി കുറച്ചതിനെ പറ്റി ശ്രീലക്ഷ്മി ശ്രീകുമാർ

ജഗതിയുടെ മകളും നടിയും ആണ് ശ്രീലക്ഷ്മി ശ്രീകുമാർ. ബിഗ് ബോസിലൂടെ ആണ് താരം മലയാളികളുടെ പ്രിയപ്പെട്ടവളായി മാറിയത്. അഭിനയ ജീവിതം മാറ്റി വച്ചു താരം ഇപ്പോൾ ഒമാനിൽ ഒരു പ്രമുഖ കമ്പനിയിൽ മാർക്കറ്റിങ് വിഭാഗത്തിൽ ജോലി ചെയ്യുകയാണ് ശ്രീലക്ഷ്മി. ശ്രീലക്ഷ്മി ഒരു ഭരതനാട്യം നർത്തകി കൂടിയാണ്. ശ്രീലക്ഷ്മി വിവാഹിതയാണ്. ജിജിൻ ജഹാൻഗീർ ആണ് ശ്രീലക്ഷ്മിയുടെ ഭർത്താവ്. അഞ്ചു വർഷം നീണ്ട പ്രണയത്തിന് ശേഷമാണ് ഇരുവരും വിവാഹിതരായത്. ലോക്ക് ഡൗൺ കാലമായതിനാൽ താൻ വളരെയധികം തടി വെച്ചു എന്നും പിന്നീട് അത് കുറച്ചു എന്നും ഉള്ള വിശേഷങ്ങൾ താരം പങ്കുവയ്ക്കുന്നുണ്ട്.

ശ്രീലക്ഷ്മിയുടെ വാക്കുകൾ:

വിവാഹസമയത്ത് 58 കിലോയായിരുന്നു ശരീരഭാരം എന്നും . 65ല്‍ നിന്നായിരുന്നു 58 ലേക്ക് എത്തിയത്. വിവാഹമാണല്ലോയെന്നോര്‍ത്തായിരുന്നു അന്ന് ഡയറ്റ് ചെയ്തത് എന്നും ശ്രീലക്ഷ്മി പറയുന്നു. നല്ല ഫുഡിയാണ് ഞാൻ . എന്ത് കഴിച്ചാലും വണ്ണം വെക്കുന്ന തരത്തിലുള്ള ശരീരപ്രകൃതവുമാണ്. എന്നാല്‍ കുറച്ച് ചബ്ബി ആയിക്കഴിഞ്ഞാല്‍ വണ്ണത്തെക്കുറിച്ച് എല്ലാവരും ചോദിച്ച് തുടങ്ങും. എന്നേക്കാള്‍ കൂടുതല്‍ പ്രശ്‌നം നാട്ടുകാര്‍ക്കാണ്. അയ്യോ, വണ്ണം വെച്ചല്ലേയെന്ന് പറഞ്ഞാണ് അവരെത്താറുള്ളത്. അത് കേട്ട് മടുത്തിരുന്നു. അതോടെയാണ് ഭാരം കുറയ്ക്കാന്‍ തീരുമാനിച്ചത്.

ലോക് ഡൗണ്‍ പ്രഖ്യാപിച്ചപ്പോള്‍ ഇത് പെട്ടെന്ന് തന്നെ മാറുമെന്നായിരുന്നു കരുതിയത്. ആ സമയത്ത് നന്നായി ഫുഡ് കഴിച്ചിരുന്നു. ലോക് ഡൗണ്‍ നീണ്ടപ്പോള്‍ ഫുഡ് കഴിക്കുന്നതും അതേ പോലെ തുടരുകയായിരുന്നു. 68ലേക്ക് എത്തുകയായിരുന്നു ശരീരഭാരം. ഭര്‍ത്തവും ചോദിച്ചിരുന്നു ഇതെങ്ങോട്ടാണ് പോകുന്നതെന്ന്്. ഇതിന് ശേഷമായാണ് സംഭവം കൈയ്യില്‍ നിന്ന് പോയെന്ന് മനസ്സിലായത്. ഡ്രസ് ഒന്നും കേറാത്ത അവസ്ഥയായിരുന്നു. ഫോട്ടോ എടുക്കുമ്പോഴും ആത്മവിശ്വാസം ഉണ്ടായിരുന്നില്ല. ഇതിന് പിന്നാലെയായാണ് കൃത്യസമയത്ത് ഭക്ഷണം കഴിച്ച് തുടങ്ങിയത്. ദോശക്ക് പകരം ഓട്‌സായിരുന്നു ഇത്തവണ. പലതരം ഭക്ഷണങ്ങളായിരുന്നു പരീക്ഷിച്ചത്. പാലും പൂര്‍ണ്ണമായി ഉപേക്ഷിച്ചിരുന്നു.വൈകിട്ട് 6 മണിക്ക് തന്നെ ഡിന്നര്‍ കഴിക്കുമായിരുന്നു. പിന്നീട് വേറൊന്നും കഴിക്കാറില്ല. ഗ്രീന്‍ ടിയോ വെള്ളമോ ആണ് പിന്നീട് കുടിക്കാറുള്ളത്. പിറ്റേന്ന് രാവിലെയാണ് പിന്നീട് ഭക്ഷണം കഴിക്കുന്നത്. ഇത് പോലെ തന്നെ നടക്കാനും പോവാറുണ്ടായിരുന്നു. ആ ശീലം മുന്‍പേയുള്ളതാണ്. ഡയറ്റും നടത്തവും കൂടിയായപ്പോള്‍ ശരീരഭാരം കുറയുകയായിരുന്നു”