അഭിമുഖത്തിനിടെ അവതാരകയോട് മോശമായി പെരുമാറിയെന്ന സംഭവത്തിൽ വിവാദത്തിലായിരിക്കുകയാണ് ശ്രീനാഥ് ഭാസി. അദ്ദേഹം നായകനായി എത്തിയ ചിത്രം ചട്ടമ്പിയുടെ പ്രമോഷന്റെ ഭാഗമായിട്ട് ആയിരുന്നു അഭിമുഖം. എന്നാൽ, അഭിമുഖത്തിനിടെ ക്യാമറ ഓഫ് ചെയ്യാൻ ആവശ്യപ്പെട്ടതിനു ശേഷം ശ്രീനാഥ് ഭാസി മോശമായി സംസാരിച്ചെന്നും അധിക്ഷേപിച്ചെന്നുമാണ് അവതാരക പരാതി നൽകിയത്. സംഭവത്തിൽ ശ്രീനാഥ് ഭാസിയുടെ അറസ്റ്റ് പൊലീസ് രേഖപ്പെടുത്തി. ഇതിനിടെ ചട്ടമ്പി സിനിമയുടെ പോസ്റ്ററിൽ നിന്ന് ശ്രീനാഥ് ഭാസിയെ ഒഴിവാക്കിയിരിക്കുകയാണ് അണിയറപ്രവർത്തകർ.
സെപ്തംബർ 23ന് റിലീസ് ചെയ്ത ചിത്രത്തിന്റെ പുതിയ പോസ്റ്ററിൽ നിന്നാണ് ശ്രീനാഥ് ഭാസിയുടെ തല വെട്ടി മാറ്റിയിരിക്കുന്നത്. സിനിമ റിലീസിന് മുമ്പോ ശേഷമോ നായകൻമാർ വിവാദത്തിൽ ഉൾപ്പെടുന്ന സംഭവങ്ങൾ ഉണ്ടാകാറുണ്ട്. എന്നാൽ, നായകന്റെ തല വെട്ടി മാറ്റി പോസ്റ്റർ ഇറക്കുന്നത് അപൂർവമാണ്. ചട്ടമ്പി സിനിമയുടെ റിലീസിനു മുമ്പേ തന്നെ ശ്രീനാഥ് ഭാസി വിവാദത്തിൽ ഉൾപ്പെട്ടിരുന്നു. ഇതിനിടെ അവതാരകയെ അപമാനിച്ച സംഭവത്തിൽ ശ്രീനാഥ് ഭാസിയെ സിനിമ മേഖലയിൽ നിന്ന് മാറ്റി നിർത്താൻ തീരുമാനം ആയിരിക്കുകയാണ്.
ചൊവ്വാഴ്ച വിളിച്ചു ചേർത്ത പ്രൊഡ്യൂസേഴ്സ് അസോസിയേഷന്റെ മീറ്റിങ്ങിലാണ് തീരുമാനം. തെറ്റുകളെല്ലാം ശ്രീനാഥ് ഭാസി സമ്മതിച്ചുവെന്ന് സംഘടനാ ഭാരവാഹികൾ പറഞ്ഞു. പ്രത്യേക സാഹചര്യം മൂലവും ചില സ്വകാര്യപ്രശ്നങ്ങൾ മൂലവും അറിയാതെ സംഭവിച്ചതാണെന്നും ഇനി ഒരിക്കലും ഇങ്ങനെ ഉണ്ടാകില്ലെന്ന് അദ്ദേഹം ഉറപ്പു നൽകിയിട്ടുണ്ടെന്നും പരാതിക്കാരിയോട് അദ്ദേഹം ക്ഷമാപണം നടത്തിയതായും പ്രൊഡ്യൂസേഴ്സ് അസോസിയേഷൻ പറഞ്ഞു. കുറച്ചു നാളത്തേക്ക് ശ്രീനാഥ് ഭാസി തങ്ങളുടെ സിനിമകൾ ചെയ്യേണ്ടെന്നാണ് തീരുമാനമെന്നും മാറി നിൽക്കേണ്ട സമയം തങ്ങൾ തീരുമാനിക്കുമെന്നും പ്രൊഡ്യൂസേഴ്സ് അസോസിയേഷൻ ഭാരവാഹികൾ പറഞ്ഞു. അഭിലാഷ് എസ് കുമാർ ആണ് ചിത്രത്തിന്റെ സംവിധായകൻ. ആർട്ട് ബീറ്റ് സ്റ്റുഡിയോയുടെ ബാനറിൽ ആസിഫ് യോഗിയാണ് ചിത്രം നിർമിക്കുന്നത്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…