മോഹൻലാലിനൊപ്പം ഒരു സിനിമ ചെയ്യണം, ആഗ്രഹം പറഞ്ഞു സൂരറായ് പോട്രൂ സംവിധായിക!

സിനിമ പ്രേക്ഷകർക്ക് പ്രിയങ്കരിയായ സംവിധായികയാണ് സുധ കൊങ്ങര. ഇരുധി സുട്രൂ, സൂരറായ് പോട്രൂ എന്നീ രണ്ടു തമിഴ് ചിത്രങ്ങളിലൂടെ തന്നെ മികച്ച സംവിധായികമാരിൽ ഒരാൾ എന്ന പേര് നേടിയ വനിത. സൂര്യയെ നായകനാക്കി സുധ ഒരുക്കിയ സൂരറായ് പോട്രൂ എന്ന ചിത്രം കഴിഞ്ഞ വർഷം റിലീസ് ചെയ്തവയിൽ മികച്ച ഇന്ത്യൻ ചിത്രങ്ങളിൽ ഒന്നായിരുന്നു. അതിനു ശേഷം പാവ കഥൈകാൾ എന്ന ആന്തോളജി ചിത്രത്തിലെ തങ്കം എന്ന ചിത്രത്തിലൂടെയും സുധ കൊങ്ങര പ്രേക്ഷകരെ ഞെട്ടിച്ചു. ഒരേ സമയം പ്രേക്ഷകരെ അത്ഭുതപ്പെടുത്തുകയും രസിപ്പിക്കുകയും അവരുടെ മനസ്സിലിടം പിടിക്കുന്നതുമായ ചിത്രങ്ങളാണ് സുധ ഒരുക്കുന്നത്. ഇപ്പോഴിതാ തന്റെ മനസ്സിൽ ഉള്ള ഒരു ആഗ്രഹം തുറന്ന് പറയുകയാണ് സുധ. താൻ മോഹൻലാലിന്റെ ഒരു വലിയ ആരാധിക ആണെന്നാണ് സുധ പറയുന്നത്. കൂടാതെ ഇപ്പോഴത്തെ നടന്മാരിൽ ദുൽഖർ സൽമാൻ ആണ് തന്റെ പ്രീയപ്പെട്ട നടൻ എന്നും സുധ പറയുന്നു. മമ്മൂട്ടിയും തന്റെ ഇഷ്ട്ട നടന്മാരിൽ ഒരാൾ ആണെങ്കിലും മോഹൻലാലിന്റെ അഭിനയത്തോടാണ് തനിക്ക് കൂടുതൽ താൽപ്പര്യം എന്നും സുധ പറഞ്ഞു.

മോഹൻലാലുമൊത്ത് ഒരു ചിത്രം ചെയ്യുക എന്നതാണ് തന്റെ ഏറ്റവും വലിയ ആഗ്രഹങ്ങളിൽ ഒന്നെന്നും സുധ ഇപ്പോൾ പറയുന്നു. ദുൽഖറിന്റെ ചിത്രങ്ങൾ തനിക്കു ഇഷ്ടമാണെന്നും കഥാപാത്രത്തിന് വേണ്ടി എന്തും ചെയ്യാൻ തയ്യാറാകുന്ന ദുൽഖറിന്റെ മിടുക്കാണ് തന്നെ ആകർഷിച്ചതെന്നും സുധ നേരത്തെ തന്നെ പറഞ്ഞിട്ടുണ്ട്. ഒരു തമിഴ് സംവിധായിക മലയാള നടനായ മോഹൻലാലിനൊപ്പം ജോലി ചെയ്യണം എന്നതാണ് തന്റെ ഏറ്റവും വലിയ ആഗ്രഹമെന്ന് പറഞ്ഞതോടെ മോഹൻലാൽ ആരാധകരും ആവേശത്തിൽ ആണ്.