എക്‌സ്‌റേ ഷീറ്റ് കൊണ്ട് ചോരുന്ന മേല്‍ക്കൂര അടക്കുമായിരുന്നു ; ജീവിതത്തിന്റെ രണ്ടറ്റങ്ങള്‍ കൂട്ടിമുട്ടിക്കാന്‍ പാടുപെട്ട കാലം; മനസ്  തുറന്ന് സുധി കോപ്പ

സ്വാഭാവികമായ അഭിനയത്തിലൂടെ മലയാളസിനിമാ പ്രേക്ഷകര്‍ക്ക് പ്രിയങ്കരനായ താരമായി മാറിയിരിക്കുകയാണ് സുധി കോപ്പ. നാടകത്തെയും സിനിമയെയും ഒരുപോലെ സ്‌നേഹിച്ചാണ് താരം അഭിനയ രംഗത്തേക്ക് കടന്നുവന്നത്. ഇപ്പോഴിതാ സിനിമയിലേക്ക് വരുന്നതിന് മുന്‍പുള്ള തന്റെ ജീവിതത്തെക്കുറിച്ച് താരം തുറന്നു പറയുകയാണ്.കൊച്ചിയും പള്ളുരുത്തിയും ചുരുക്കിയാണ് തന്റെ പേരിനൊപ്പമുള്ള ‘കോപ്പ ‘ ഉണ്ടാക്കിയത് എന്ന് സുധി പറയുന്നു.

കഷ്ടപ്പാടില്‍ നിന്ന് കഠിനാധ്വാനം കൊണ്ടുമാത്രമാണ് സുധി ഇന്ന് ഇവിടെ വരെ എത്തിയത്.
ജീവിതത്തിന്റെ രണ്ടറ്റങ്ങള്‍ കൂട്ടിമുട്ടിക്കാന്‍ പാടുപെടുന്ന ഒരു കുടുംബത്തിലാണ് ജനിച്ച വളര്‍ന്നത്.ഒരു കൊച്ചു വാടകവീട്ടിലായിരുന്നു ജനിച്ചതും വളര്‍ന്നതും,അച്ഛന്‍ കലാകാരന്‍ ആയിരുന്നു അതുകൊണ്ട് തന്നെ തനിക്കും അഭിനയത്തോട് കുഞ്ഞിലെ തൊട്ട് ഇഷ്മായിരുന്നുവെന്ന് സുധി പറയുന്നു.

ഓട് മേഞ്ഞ മേല്‍ക്കൂരയും തേക്കാത്ത വെട്ടുകല്ല് അടര്‍ന്ന ചുവരുകളും ഉളള ഒര കൊച്ച് വീട്ടിലായിരുന്നു കഴിഞ്ഞത്. മഴക്കാലത്ത് അകത്തൊക്കം മഴവെള്ളം വീഴും. എക്‌സ്‌റേ ഷീറ്റ് കൊണ്ട് ഞങ്ങള്‍ ചോരുന്ന മേല്‍ക്കൂര അടയ്ക്കുമായിരുന്നു സുധി പറയുന്നു. ഇപ്പോഴിതാ തന്റെ ആഗ്രഹത്തിന്‍ അടച്ചുറപ്പുള്ള സ്വന്തമായൊരു വീട് ഇന്ന് നേടിയിരിക്കുകയാണ്, ഒപ്പം ആഗ്രഹിച്ച ഒരുപാട് സ്വപ്‌നങ്ങളും