ആരാധകർ പ്രതീക്ഷയോടെയും അതിലേറെ ആകാംക്ഷയോടെയും കാത്തിരിക്കുന്ന ചിത്രം കെ ജി എഫ് ചാപ്റ്റർ ടു എത്താൻ ഇനി ഒരുദിവസം മാത്രം. ഏപ്രിൽ പതിനാലിന് ചിത്രം റിലീസ് ചെയ്യും. റോക്കി ഭായിയുടെ മുന്നോട്ടുള്ള കഥ കാണാനും കേൾക്കാനും കാത്തിരിക്കുന്ന ആരാധകർക്ക് മുന്നിലേക്ക് ‘സുൽത്താന’ ഗാനത്തിന്റെ ലിറിക്കൽ വീഡിയോ എത്തിച്ചിരിക്കുകയാണ് അണിയറപ്രവർത്തകർ. വിവിധ ഭാഷകളിലുള്ള ഗാനത്തിന്റെ ലിറിക്കൽ ലീഡിയോ ആണ് എത്തിയിരിക്കുന്നത്. കെ ജി എഫ് ഒന്നാം ഭാഗത്തിന്റെ തൊട്ട് തുടർച്ചയെന്ന് തോന്നുന്ന ചില ഭാഗങ്ങളും ലിറിക്കൽ വീഡിയോയിൽ കാണാവുന്നതാണ്.
ചിത്രം റിലീസ് ആകാൻ മണിക്കൂറുകൾ മാത്രമുള്ളപ്പേൾ എത്തിയിരിക്കുന്ന ഗാനത്തിന് വൻ വരവേൽപ്പാണ് ലഭിച്ചിരിക്കുന്നത്. രവി ബാസ്റുർ ആണ് സംഗീതസംവിധാനം. സുധാംസുവിന്റേതാണ് രചന. ലാഹരി മ്യൂസിക്ടി സീരീസ് യുട്യൂബ് ചാനലിലാണ് ഗാനങ്ങൾ റിലീസ് ചെയ്തത്. ഹൊംബാലെ ഫിലിംസിന്റെ ബാനറിൽ വിജയ് കിരഗാന്ധുർ ആണ് ചിത്രം നിർമിക്കുന്നത്. ചിത്രത്തിന്റെ രചനയും സംവിധാനവും പ്രശാന്ത് നീൽ ആണ്.
കെ ജി എഫ് ഒന്നാം ഭാഗത്തിലെ അമ്മയുടെ കഥാപാത്രവും പാട്ടുമൊക്കെ ഏറെ ജനപ്രീതി നേടിയിരുന്നു. ചിത്രത്തിന്റെ ഒന്നാംഭാഗം ഇറങ്ങിയതു മുതൽ ചിത്രത്തിന്റെ രണ്ടാം ഭാഗത്തിനായുള്ള കാത്തിരിപ്പിൽ ആയിരുന്നു ആരാധകർ. രണ്ടാം ഭാഗത്തിൽ പ്രധാനമായും റോക്കിയും അധീരയും തമ്മിലുള്ള ഏറ്റുമുട്ടലും രമിക സെന്നും ഇനായത്ത് ഖലീലും സൃഷ്ടിക്കുന്ന സംഭവവികാസങ്ങളും ആയിരിക്കും പ്രമേയമാകുക. പൃഥ്വിരാജ് പ്രൊഡക്ഷൻസും മാജിക് ഫ്രെയിംസും ചേർന്നാണ് കേരളത്തിൽ കെ ജി എഫ് ചാപ്റ്റർ ടു വിതരണത്തിന് എത്തിക്കുന്നത്. പ്രിവ്യൂ കണ്ടതിനു ശേഷം സിനിമ അത്ഭുതപ്പെടുത്തുന്നതാണെന്ന് ആയിരുന്നു പൃഥ്വിരാജിന്റെ റിവ്യൂ. രണ്ടാം ഭാഗത്തിൽ ബോളിവുഡ് താരം സഞ്ജയ് ദത്ത് ഒരു പ്രധാന കഥാപാത്രമായി എത്തുന്നു. അധീര എന്ന വില്ലൻ കഥാപാത്രമായാണ് സഞ്ജയ് ദത്ത് എത്തുന്നത്. പ്രശാന്ത് നീൽ ആണ് ചിത്രത്തിന്റെ സംവിധായകൻ. രവീണ ടണ്ടെന്‍, ശ്രീനിധി ഷെട്ടി, മാളവിക അവിനാഷ് എന്നിവരാണ് ചിത്രത്തിലെ മറ്റ് പ്രധാന അഭിനേതാക്കൾ.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…