അല്ലിയും ഞാനും ഡാൻസ് കളിക്കാൻ ഇഷ്ടമുള്ളവർ,പ്രിത്വിക്ക് താല്പര്യം പോര;പൃഥ്വിരാജിന്റെ ഡാൻസിനെ കുറിച്ച്‌ സുപ്രിയ

നടനായും ഗായകനായും സംവിധായകനായും പ്രേക്ഷകരുടെ മനസ്സിൽ ഇടം പിടിച്ച താരമാണ് പൃഥ്വിരാജ്. അടി, ഇടി, റൊമാന്‍സ്, പാട്ട്, ഡാന്‍സ് അങ്ങനെ എന്തും വഴങ്ങുന്ന ഒരു താരമാണ് അദ്ദേഹം. നിരവധി സിനിമകളില്‍ പൃഥ്വിയുടെ നല്ല തകർപ്പൻ ഡാൻസുകൾ പ്രേക്ഷകർ കണ്ടതാണ്. എന്നാല്‍ ഇപ്പോൾ പൊതുവെ പൃഥ്വി ഒരു മടിയനായ ഡാൻസർ ആണെന്ന് തുറന്നു പറയുകയാണ് പൃഥ്വിയുടെ നല്ലപാതിയും നിര്‍മാതാവുമായ സുപ്രിയ മേനോൻ.

ഹൃത്വിക് റോഷനും ടൈഗര്‍ ഷറഫും വാണി കപൂറും അഭിനയിച്ച സൂപ്പര്‍ഹിറ്റ് ചിത്രം വാറിലെ ‘ഗുംഗുരു’ എന്ന പാട്ടിന് ടൈഗര്‍ ഷറഫ് ഡാന്‍സ് ചെയ്യുന്ന വീഡിയോ പങ്കുവച്ചുകൊണ്ടാണ് സുപ്രിയ ഇക്കാര്യം വ്യക്തമാക്കിയത്.
തനിക്ക് നൃത്തം ചെയ്യുവാൻ ഇഷ്ടമാണെന്നും അതുപോലെ തന്നെ മകളായ അലിക്കും അതിൽ താൽപര്യമുണ്ടെന്നും സുപ്രിയ കുറിക്കുന്നു. എന്നാല്‍ പൃഥ്വി ഒരു വിമുഖതയുള്ള നര്‍ത്തനാണ് എന്ന് പറഞ്ഞുകൊണ്ടാണ് സുപ്രിയ പോസ്റ്റ് പങ്കുവച്ചത്.

പൃഥ്വിരാജ് ബിജു മേനോനോടൊപ്പം ഒരു ഇടവേളക്ക് ശേഷം വീണ്ടും ഒന്നിക്കുന്ന ചിത്രമാണ് അയ്യപ്പനും കോശിയും .ഈ സിനിമയുടെ ഷൂട്ടിംഗ് തിരക്കിലാണ് പൃഥ്വിരാജ് ഇപ്പോൾ. പൃഥ്വിരാജും ബിജുമേനോനും ഒന്നിച്ചഭിനയിച്ച അനാർക്കലി എന്ന ചിത്രത്തിലൂടെ പൃഥ്വിരാജിന് വലിയൊരു ഹിറ്റ് സമ്മാനിച്ച തിരക്കഥാകൃത്തും സംവിധായകനുമായ സച്ചിയാണ് ഈ ചിത്രം അണിയിച്ചൊരുക്കുന്നത്. അനാർക്കലി എന്ന ചിത്രത്തിലെ കൂട്ടുകെട്ട് വീണ്ടും ഒന്നിച്ചപ്പോൾ പ്രേക്ഷകർക്ക് ഏറെ ആകാംഷയാണ് ഉള്ളത്. ഗോൾഡ് കോയിൻ മോഷൻ പിക്ചർസിന്റെ ബാനറിൽ രഞ്ജിത്തും പി എം ശശിധരനും ചേർന്നാണ് ഈ ചിത്രം നിർമ്മിക്കുന്നത്.
അന്നാ രേഷ്മരാജൻ, സിദ്ദിഖ്, അനുമോഹൻ ജോണി ആന്റണി, അനിൽ നെടുമങ്ങാട്, തരികിട സാബു
ഷാജു ശ്രീധർ ,ഗൗരി നന്ദ തുടങ്ങിയ താരങ്ങൾ ചിത്രത്തിൽ അണിനിരക്കുന്നുണ്ട്.ഈ ചിത്രത്തിന്റെ ഷൂട്ടിംഗ് നവംബറിൽ പൂർത്തിയാകും.