കസവു സാരിയിൽ സുന്ദരിയായി സുരേഷ് ഗോപിയുടെ മക്കൾ ഭാഗ്യയും ഭാവ്നിയും;ഫോട്ടോഷൂട്ട് കാണാം

സിനിമയ്ക്കൊപ്പം സാമൂഹിക പ്രവർത്തനങ്ങളിലും സജീവ പങ്കു വഹിക്കുന്ന മലയാളികളുടെ പ്രിയതാരം ആണ് സുരേഷ് ഗോപി. സിനിമാ വിശേഷങ്ങളോട് ഒപ്പംതന്നെ കുടുംബ വിശേഷങ്ങളും താരം പങ്കുവയ്ക്കാറുണ്ട്. സിനിമയിൽ സജീവമായിരിക്കുന്ന അവസരത്തിലാണ് താരം രാഷ്ട്രീയത്തിലേക്ക് ഇറങ്ങിയത്. പിന്നീട് താരത്തിന്റെ സിനിമയിലേക്കുള്ള തിരിച്ചുവരവ് എന്നായിരിക്കും എന്നാണ് ആരാധകർ തിരയുന്നത്.

ഇതിനു വിരാമമിട്ടു കൊണ്ടാണ് വരനെ ആവശ്യമുണ്ട് എന്ന ചിത്രത്തിലൂടെ താരം വീണ്ടും അഭിനയരംഗത്തേയ്ക്ക് കടന്നുവന്നത്. സത്യൻ അന്തിക്കാടിന്റെ മകനായ അനൂപ് സത്യൻ സംവിധാനം ചെയ്ത് ദുൽഖർ സൽമാനും കല്യാണി പ്രിയദർശനും പ്രധാന വേഷങ്ങളിലെത്തിയ ചിത്രമായിരുന്നു വരനെ ആവശ്യമുണ്ട്. ചിത്രത്തിൽ സുരേഷ് ഗോപിയുടെ നായികയായി എത്തിയത് ശോഭന ആയിരുന്നു. സുരേഷ് ഗോപിയുടെ മക്കളായ ഭാഗ്യയുടേയും ഭാവ്‌നിയുടേയും ഫോട്ടോ ഷൂട്ട് ചിത്രങ്ങള്‍ ആണ് ഇപ്പോൾ വൈറലാകുന്നത്. എത്ര തിരക്കുണ്ടെങ്കിലും കുടുംബത്തിന്റെ വിശേഷങ്ങൾ സുരേഷ് ഗോപി പങ്കുവയ്ക്കാറുണ്ട്. രണ്ടു ആൺ മക്കളും രണ്ട് പെൺമക്കളും ആണ് സുരേഷ് ഗോപിക്കും രാധികക്കും കൂട്ടായുള്ളത്. ജീവിതത്തിലെ ഏറ്റവും ദുഃഖം തന്ന കാര്യം തന്റെ ലക്ഷ്മി എന്ന മകൾ ഒന്നര വയസ്സിൽ കാറപകടത്തിൽ മരിച്ചതാണെന്ന് സുരേഷ് ഗോപി പറയുന്നു. സിനിമയിൽ അഭിനയിക്കാതെ തന്നെ ഏറെ പ്രശസ്തരായി മാറിയ താര പുത്രികളാണ് സുരേഷ് ഗോപിയുടെ മകൾ.

ഗോകുൽ സുരേഷ് സിനിമയിൽ എത്തിയതോടെ പെൺമക്കൾ എന്നാണ് സിനിമയിലേക്കെത്തുക എന്ന ചോദ്യം സുരേഷ് ഗോപി നേരിട്ടിരുന്നു. കസവു സാരിയിൽ ഫോട്ടോ ഷൂട്ട് നടത്തിയിരിക്കുകയാണ് താരപുത്രികൾ. വേദിക ഫാഷന്‍സിന്റെ മോഡലുകളായാണ് ഇരുവരും എത്തിയിട്ടുള്ളത്. ഓണം സ്‌പെഷ്യല്‍ വസ്ത്രങ്ങളണിഞ്ഞുള്ള താരപുത്രികളുടെ ചിത്രങ്ങള്‍ ഇതിനകം തന്നെ വൈറലായി മാറിക്കഴിഞ്ഞിട്ടുമുണ്ട്.