ഒല്ലൂർ എസ് ഐയെ നിർബന്ധിച്ച് സല്യൂട്ട് ചെയ്യിപ്പിച്ച് സുരേഷ് ഗോപി; വീഡിയോ

ഒല്ലൂർ എസ് ഐയെ കൊണ്ട് നിർബന്ധിച്ച്‌ സല്യൂട്ട് ചെയ്യിപ്പിച്ച് നടനും എം പിയുമായ സുരേഷ് ഗോപി. തന്നെ കണ്ടിട്ടും ജീപ്പിൽ നിന്നും ഇറങ്ങാതിരുന്ന എസ് ഐയെ വിളിച്ചുവരുത്തിയാണ് സല്യൂട്ട് ചെയ്യിച്ചത്. പുത്തൂരിൽ ചുഴലിക്കാറ്റ് വീശിയ പ്രദേശം സന്ദർശിക്കുന്നതിനിടയിലാണ് സംഭവം. മേയറല്ല.. ഞാൻ എംപിയാണ് ഒരു സല്യൂട്ട് ആകാം. പഴയ ശീലങ്ങൾ ഒന്നും മറക്കേണ്ട എന്നാണ് താരം എസ് ഐയോട് പറഞ്ഞത്.

അതേസമയം ആർക്കൊക്കെ സല്യൂട്ട് ചെയ്യാമെന്ന് പോലീസിൽ കൃത്യമായി പറഞ്ഞിട്ടുണ്ടെന്നും ഇതൊരു കുറ്റമായി കണക്കാക്കുവാൻ സാധിക്കില്ല എന്നുമാണ് ബന്ധപ്പെട്ട വൃത്തങ്ങൾ വ്യക്തമാക്കുന്നത്. തൃശൂർ മേയറെ സല്യൂട്ട് ചെയ്‌തില്ല എന്ന വിവാദത്തെ തുടർന്നാണ് ആർക്കൊക്കെ സല്യൂട്ട് ആകാമെന്ന തീരുമാനം വന്നത്. എം എൽ എ, എം പി പോലുള്ളവർക്ക് സല്യൂട്ട് ആവശ്യമില്ല എന്നാണ് അറിയുവാൻ കഴിയുന്നതും.

സൂപ്പർഹിറ്റ് സംവിധായകൻ ജോഷി ഒരുക്കുന്ന പാപ്പന്റെ ചിത്രീകരണ തിരക്കുകളിലാണ് സുരേഷ് ഗോപി. ഗോകുൽ സുരേഷ്, സണ്ണി വെയ്ൻ, നൈല ഉഷ, നീത പിള്ളൈ, കനിഹ തുടങ്ങിയവരും ചിത്രത്തിൽ അഭിനയിക്കുന്നുണ്ട്. നിതിൻ രഞ്ജി പണിക്കർ ഒരുക്കുന്ന കാവലിന്റെ ഷൂട്ടും താരം നേരത്തെ പൂർത്തീകരിച്ചിരുന്നു. രാഹുൽ രാമചന്ദ്രൻ ഒരുക്കുന്ന ചിത്രമാണ് മറ്റൊന്ന്. SG251 എന്ന ഒരു താത്കാലിക പേര് നൽകിയിരിക്കുന്ന ചിത്രത്തിൽ കൊച്ചിയിലുള്ള അറുപത്തഞ്ചുകാരനായ വാച്ച് മെക്കാനിക്കായിട്ടാണ് സുരേഷ് ഗോപി എത്തുന്നത്. റിവഞ്ച് ത്രില്ലർ ഗണത്തിൽപ്പെട്ടതാണ് ചിത്രം.