“മമ്മൂട്ടിയും മോഹൻലാലോ ഞാൻ സിനിമ ചെയ്യാത്തതിൽ എന്നെ വിളിച്ച് ചോദിച്ചിട്ടില്ല,ദിലീപ് മാത്രമാണ് അങ്ങനെ ചെയ്തത്”;ദിലീപിന്റെ സ്നേഹം വെളിപ്പെടുത്തി സുരേഷ് ഗോപി

രാഷ്ട്രീയത്തിലേക്ക്
കാലെടുത്തുവച്ചതോടെ നിരവധി വിമർശനങ്ങൾക്ക് വിധേയനായ താരമാണ് സുരേഷ് ഗോപി. ഏതവസ്ഥയിലും തനിക്കു പറയാനുള്ള കാര്യങ്ങൾ മുഖത്തുനോക്കി പറയുന്ന ഒരു വ്യക്തിത്വം കൂടിയാണ് താരത്തിന്റേത്. താരത്തിന്റെ അഭിനയജീവിതത്തിന്റെ ആദ്യകാലങ്ങളെ അപേക്ഷിച്ച് അഭിനയിക്കുന്ന ചിത്രങ്ങളുടെ എണ്ണവും വിജയിക്കുന്ന ചിത്രങ്ങളുടെ എണ്ണവും കുറഞ്ഞു വന്ന ഒരു നാൾ ഉണ്ടായിരുന്നു. അന്ന് തനിക്ക് പൂർണ്ണ പിന്തുണ നൽകിക്കൊണ്ട് തന്നെ ഉപദേശിച്ചത് ദിലീപ് മാത്രമാണെന്ന് ഇപ്പോൾ തുറന്നുപറയുകയാണ് സുരേഷ് ഗോപി.

വർഷങ്ങൾക്ക് മുൻപ് ഒരു മാധ്യമത്തിനു നൽകിയ അഭിമുഖത്തിലാണ് ദിലീപിനെ കുറിച്ച് സുരേഷ് ഗോപി പറയുന്നത്. എന്നാൽ ഇപ്പോൾ ഇപ്പോൾ ആ വാചകങ്ങൾ സോഷ്യൽ മീഡിയയിൽ വൈറൽ ആവുകയാണ്. സുരേഷ് ഗോപിയുടെ വാക്കുകൾ ഇങ്ങനെ;
“എന്റെ കാര്യം അവര് നോക്കുന്നില്ലല്ലോ…
ലാല്(മോഹൻലാൽ) വിളിച്ചിട്ട് എന്റെ അടുത്ത് ചോദിച്ചിട്ടില്ല ‘നീ എന്തിനാണ് ഈ ഗ്യാപ്പ് ഇടുന്നത് പടങ്ങൾ ചെയ്യും കേട്ടോ’ പറയത്തില്ല, മമ്മൂക്കയും പറയത്തില്ല. ദിലീപ് മാത്രമാണ് എന്നെ വിളിച്ച് പറയുന്നത്
‘സുരേഷേട്ടാ ഇങ്ങനെ വെറുതെ ഇരിക്കരുത് നിങ്ങൾ എന്തെങ്കിലും, ഞാൻ ചെയ്യാം പടം വന്ന് ചെയ്യ്… രഞ്ജി ഏട്ടന്റെ അടുത്ത് പറയട്ടെ…? ഷാജിയേട്ടന്റെ അടുത്ത് പറയട്ടെ…?’ അപ്പോഴും ദിലീപ് ചോദിക്കുന്നത് അതാണ്…”

“അപ്പോഴും ദിലീപിന് അറിയാം എന്താണ് ഒരു ആക്ടറിനെ ആക്ടീവായി വൈബറന്റായി നിലനിർത്തുന്നത് എന്താണെന്ന് ദിലീപിന് അറിയാം. കാരണം അവൻ ഒരു ആക്ടറിനേക്കാൾ നല്ല ഒരു ഡയറക്ടറാണ്. ഒരു ഡയറക്ടറിനെയും ആക്ടർനെയുക്കാൾ നല്ല പ്രൊഡ്യൂസറാണ് നല്ല ഒരു ഡിസ്ട്രിബ്യൂട്ടർ ആണ്… “,സുരേഷ് ഗോപി പറയുന്നു