40 ലക്ഷത്തോളം രൂപയുടെ ലാഭം നിർമാതാക്കൾക്കേകി സൂര്യയുടെ ഞെട്ടിക്കുന്ന തീരുമാനം

ഏറെ നീണ്ടുനിന്ന തമിഴ്‌നാട്ടിലെ തീയറ്റർ സമരത്തിന് അവസാനം അറുതി വന്നിരിക്കുകയാണ്. നിർമാതാക്കളുടെ സംഘടന നിർമ്മാണച്ചിലവുകളെയും ശമ്പളക്കണക്കുകളെയും സംബന്ധിച്ച അവരുടെ പ്രശ്‌നങ്ങളെ തുറന്നുകാട്ടുകയായിരുന്നു സമരത്തിലൂടെ ചെയ്‍തത്. പുതിയ ചിത്രങ്ങൾ ഒന്നും തന്നെ ഈ ദിവസങ്ങളിൽ റിലീസ് ഉണ്ടായിരുന്നില്ല. അവിടെ സിനിമ ഇൻഡസ്‌ട്രി തന്നെ ഈ സമരത്തെ തുടർന്ന് ഒരു മരവിച്ച അവസ്ഥയിലായിരുന്നു. ഇത്തരമൊരു അവസ്ഥയിൽ ഏവരും ഞെട്ടിക്കുന്ന ഒരു തീരുമാനമാണ് തമിഴ് സൂപ്പർസ്റ്റാർ സൂര്യ ഇപ്പോൾ എടുത്തിരിക്കുന്നത്. തന്റെ അസിസ്റ്റന്റ്‌സിന് താൻ തന്നെ ശമ്പളം കൊടുക്കുമെന്നാണ് താരം ഇപ്പോൾ തീരുമാനം എടുത്തിരിക്കുന്നത്. താരങ്ങളുടെ അസ്സിസ്റ്റന്റ്‌സിന് പ്രൊഡ്യൂസർമാരാണ് തമിഴ്‌നാട്ടിൽ ശമ്പളം കൊടുക്കുന്നത്. അപ്പോഴാണ് ഇത്തരത്തിൽ ഞെട്ടിക്കുന്ന ഒരു തീരുമാനം സൂര്യ എടുത്തിരിക്കുന്നത്. ഷൂട്ടിങ്ങ് ദിനങ്ങളുടെ ദൈർഘ്യം അനുസരിച്ച് ഇത് ഏകദേശം 30 – 40 ലക്ഷത്തോളം രൂപ വരും. ” തമിഴ് സിനിമ ലോകത്തിന്റെ പുനരുദ്ധീകരണത്തിന്റെ ഭാഗമായിട്ടാണിത്. ഇൻഡസ്ട്രിയിലെ ഒരു മുതിർന്ന അംഗം എന്ന നിലയിൽ തന്റെ അസ്സിസ്റ്റന്റ്‌സിന്റെ എല്ലാ ചിലവുകളും അദ്ദേഹം തന്നെ വഹിച്ചുകൊള്ളാമെന്ന തീരുമാനം അദ്ദേഹം സ്വയമേവ എടുത്തതാണ്. ഷൂട്ടിങ്ങ് ദിനങ്ങൾ കൂടുന്നതനുസരിച്ച് ഇത് 30 – 40 ലക്ഷത്തോളം രൂപ വരും.” സൂര്യയുടെ ഉടമസ്ഥതയിലുള്ള 2D എന്റർടൈൻമെന്റിന്റെ ഡയറക്ടറും സഹനിർമാതാവുമായ രാജശേഖർ പാണ്ട്യൻ പറഞ്ഞു.