“കുഞ്ഞ് പുറത്ത് വന്നപ്പോൾ ബ്ലെസ്സി സാർ കരയുകയായിരുന്നു; ഭർത്താവിനെയും അത് ഇമോഷണലാക്കി” കളിമണ്ണിലെ അനുഭവം പങ്ക് വെച്ച് ശ്വേതാ മേനോൻ

ശ്വേതാ മേനോന്റെ പ്രസവം ലൈവായി ചിത്രീകരിച്ചതിലൂടെ ഏറെ ശ്രദ്ധ നേടിയതാണ് 2014ൽ പുറത്തിറങ്ങിയ ബ്ലെസ്സി ചിത്രം കളിമണ്ണ്. അതിന്റെ വിവാദശബ്ദങ്ങൾ ഇപ്പോഴും കേൾക്കുന്നുണ്ട്. അന്നത്തെ ആ അനുഭവത്തെ കുറിച്ച് മനസ്സ് തുറക്കുകയാണ് ശ്വേതാ മേനോൻ.

‘കളിമണ്ണ്‍’ സിനിമയിലെ ലൈവ് പ്രസവമുണ്ടാക്കിയ പുകിലിന്റെ അലയൊലികള്‍ ഇപ്പോഴും കേള്‍ക്കാം. പക്ഷെ ഇതുവരെ ആരും എന്നോട് നേരിട്ട് ‘അയ്യോ ശ്വേത എന്താ അങ്ങനെ ചെയ്തെ എന്നൊന്നും ചോദിച്ചിട്ടേയില്ല’, മറഞ്ഞു നിന്ന് പറയുന്നുണ്ടാകാം പക്ഷെ എന്റെ ലൈഫില്‍ എടുത്ത ബെസ്റ്റ് തീരുമാനങ്ങളില്‍ ഒന്നാണത്. ഭര്‍ത്താവിന്റെ പൂര്‍ണ്ണ സപ്പോര്‍ട്ടോടു കൂടിയാണ് ഞാനതിനു സമ്മതിച്ചത്. ഇപ്പോഴും ഓര്‍മ്മയുണ്ട് എന്റെ കുഞ്ഞു പുറത്തേക്ക് വന്നതിനു ശേഷം ബ്ലെസ്സി സാര്‍ കരയുകയായിരുന്നു. എന്റെ ഭര്‍ത്താവിനെയും അത് വല്ലാതെ ഇമോഷനലാക്കി, ‘കളിമണ്ണി’നു ശേഷമാണ് കേരളത്തിലെ പല ആശുപത്രികളിലും ഡെലിവറിക്ക് ഭര്‍ത്താവിനും ബന്ധുക്കള്‍ക്കും കൂടെ കയറാമെന്ന രീതി വന്നതെന്ന് തോന്നുന്നു. ഇതുവരെ ഒരു കുഞ്ഞിനും കിട്ടാത്ത ഭാഗ്യമാണ് സബൈനയ്ക്ക് ലഭിച്ചത്. എന്നും ഓര്‍ക്കാന്‍ ഞാന്‍ അവള്‍ക്ക് നല്‍കുന്ന സ്നേഹ സമ്മാനം.