‘ഇത്രയേറെ വേദനിച്ചിട്ടും അവരുടെ വാക്കുകളില്‍ മാന്യതയുണ്ട്!!! താരയ്ക്ക് സപ്പോര്‍ട്ടുമായി സോഷ്യല്‍മീഡിയ

സംസ്‌കാര സമ്പന്നര്‍ എന്ന് അഭിമാനിക്കുന്ന മലയാളികള്‍ക്ക് മുന്നിലാണു താരാകല്യാണ്‍ എന്ന കലാകാരി നെഞ്ചുപൊട്ടിപോകുന്ന സങ്കടത്തില്‍ പ്രതികരിക്കുന്നത് എന്ന് ചൂണ്ടിക്കാട്ടി യുവതിയുടെ പോസ്റ്റ് സോഷ്യല്‍മീഡിയയില്‍ വൈറല്‍ ആകുന്നു.സൗഹ്യദം പ്രണയം വിവാഹം..വിവാഹമോചനം തുടങ്ങി എന്തിലും ഏതിലും ലൈംഗികതയെ കാണുന്ന ചിന്താഗതി ഉണ്ടാകുന്നത് മാനസിക രോഗമാണെന്ന് ആദ്യം മനസിലാക്കണമെന്നും ഒരു നിമിഷത്തെ സന്തോഷത്തിനു വേണ്ടി നിര്‍മ്മിച്ചു വിടുന്ന ഫോട്ടോ ട്രോളുകള്‍ കൊണ്ട് നിങ്ങള്‍ എന്താണ് ജീവിതത്തില്‍ നേടുന്നത് എന്നും ഷാഹിന സോഷ്യല്‍മീഡിയയിലൂടെ തുറന്ന ടിച്ചു.താര കഴിഞ്ഞ ദിവസം കരഞ്ഞുകൊണ്ട് സോഷ്യല്‍മീഡിയയില്‍ ഷെയര്‍ ചെയ്ത വീഡിയോ കണ്ടിട്ട് വിഷമം അല്ല…ശരിക്കും കരഞ്ഞു.എത്രയെത്ര പ്രശ്‌നങ്ങളെ അതിജീവിച്ചിട്ടാകും അവര്‍ ആ കല്യാണം നടത്തിയത് എന്നോര്‍ക്കണമെന്നും യുവതി കുറിച്ചു.

കുറിപ്പ് വായിക്കാം:

ഈ വീഡിയോ കാണാത്തവര്‍ കാണണം.സംസ്‌കാര സമ്പന്നര്‍ എന്ന് അഭിമാനിക്കുന്ന മലയാളികള്‍ക്ക് മുന്നിലാണു താരാകല്യാണ്‍ എന്ന കലാകാരി നെഞ്ചുപൊട്ടിപോകുന്ന സങ്കടത്തില്‍ പ്രതികരിക്കുന്നത്….
എങ്ങനെയാണു മനുഷ്യര്‍ ഇത്രയും അധപതിക്കുന്നത്? ആരാണു മറ്റുള്ളവരുടെ ജീവിതത്തില്‍ ഇടപെടാന്‍ നിങ്ങള്‍ക്ക് അവകാശം തന്നിരിക്കുന്നത്?സൗഹ്യദം പ്രണയം വിവാഹം..വിവാഹമോചനം തുടങ്ങി എന്തിലും ഏതിലും ലൈംഗികതയെ കാണുന്ന ചിന്താഗതി ഉണ്ടാകുന്നത് മാനസിക രോഗമാണെന്ന് തിരിച്ചറിയണം.ഒരു നിമിഷത്തെ സന്തോഷത്തിനു വേണ്ടി നിര്‍മ്മിച്ചു വിടുന്ന ഫോട്ടോ ട്രോളുകള്‍ കൊണ്ട് എന്താണവര്‍ നേടുന്നത്? ഈ വീഡിയോ കണ്ടിട്ട് വിഷമം അല്ല…ശരിക്കും കരഞ്ഞു.എത്രയെത്ര പ്രശ്‌നങ്ങളെ അതിജീവിച്ചിട്ടാകും അവര്‍ ആ കല്യാണം നടത്തിയത്.കൂട്ടിനു ആണ്‍ തുണയില്ലെങ്കില്‍ എന്തും പറയാമെന്ന ധാരണയില്‍ കാണിച്ചതിനെ ന്യായീകരിക്കാന്‍ കഴിയില്ല

I hate that bastard…really.. ആദ്യയിട്ടാ ഇത്രയും രോക്ഷത്തില്‍ എഴുതേണ്ടിവന്നത്….’ഇത്രയേറെ വേദനിച്ചിട്ടും അവരുടെ വാക്കുകളില്‍ മാന്യതയുണ്ട്.ഒറ്റയ്ക്ക് ജീവിക്കുന്നവളുടെ അതിജീവനത്തിന്റെ കരുത്തുണ്ട്.’എന്താണീ ജീവിതത്തില്‍ സ്ത്രീകളുടെ സന്തോഷത്തിനു പുരുഷന്മാര്‍ നല്‍കുന്ന അളവുകോല്‍?വീടും കാറും എസി റൂമും വന്‍ സൗഹ്യദവലയങ്ങളിലെ പൊട്ടിച്ചിരിയും ബാങ്ക് ബാലന്‍സും ഒക്കെയാണോ.?എങ്കില്‍ തെറ്റി.ഒറ്റപ്പെട്ടതുരുത്തില്‍ ജീവിതത്തെ കെട്ടിയിട്ട് അഭിനയിച്ചു ജീവിക്കുന്നവര്‍ക്ക് മുകളില്‍ പറഞ്ഞ സൗഭാഗ്യത്തെ എടുത്തെറിയാന്‍ കഴിയാത്തത് സമൂഹത്തിന്റെ ഇത്തരം വിചാരണകളെ/ ലൈംഗികതയില്‍ ചേര്‍ത്തു വെയ്ക്കുന്ന ട്രോളുകളെ ഭയന്നിട്ടാണ്.കാരണം നിങ്ങളുടെ ഒക്കെ മുന്‍പില്‍ ആ സൗഭാഗ്യങ്ങളേ കാണു.അതുകൊണ്ട് തന്നെ അവള്‍ക്ക്/ അവനു എന്തിന്റെ കുറവായിട്ടാ…എന്ന് ചിന്തിക്കാനേ കഴിയൂ.ഓരോ ജീവിതവും രഹസ്യങ്ങളുടെ കലവറയാണ്. അതിനെ അതിജീവിക്കുന്നവരെ വെറുതെ വിടൂ..ഒരാളെ കെട്ടിപ്പിടിച്ചാല്‍..ഉമ്മ വെച്ചാല്‍..കൂടെ കിടന്നാല്‍ അതു അവരുടെ വ്യക്തിപരമായ കാര്യമെന്ന് മനസ്സിലാക്കാന്‍ കഴിയാതെ ഒളിഞ്ഞുനോക്കുന്ന എല്ലാ നാറികള്‍ക്കും നടുവിരല്‍ നമസ്‌കാരം.ഈ ചെറ്റത്തരം ചെയ്തത് ആരായാലും നിയമപരമായി നേരിടണം…….

ആര്‍ ഷഹിന