GNPC കേവലം മദ്യപാനികളുടെ കൂട്ടായ്മയല്ല; അത് തന്നെയാകും ഈ താരങ്ങളെ ഇതിലേക്ക് അടുപ്പിച്ചതും

GNPC – ഗ്ലാസിലെ നുരയും പ്ളേറ്റിലെ കറിയും ഇന്ന് ഫേസ്ബുക്കിൽ ഏറ്റവും കൂടുതൽ അംഗങ്ങളുള്ള സീക്രട്ട് ഗ്രൂപ്പാണ്. ഇത് മദ്യപാനികളുടെ കൂട്ടായ്മയല്ലേ എന്ന് പുച്ഛിച്ച് തള്ളരുത്. 11 ലക്ഷത്തിലേറെ അംഗങ്ങളുമായി ഇത്രയധികം ആക്റ്റീവ് ആയിരിക്കുന്ന മറ്റൊരു ഗ്രൂപ്പ് ഫേസ്ബുക്കിൽ കാണില്ല. കേരളത്തിലെ ഭൂരിഭാഗം ആളുകളും മദ്യപിക്കുന്നവരാണ്. അവർക്കൊരു കൂട്ടായ്മ ഉണ്ടായാൽ അത് വെറും പ്രഹസനമായി പോകും എന്ന് കരുതിയവരുടെ ചിന്തകൾക്ക് മാറ്റം വരുത്തുന്നതാണ് ഈ ഗ്രൂപ്പ്. ഇതിൽ ജാതി മത ഭേദമില്ല. ആണെന്നോ പെണ്ണെന്നോ ഇല്ല. എല്ലാവരും ഒന്നാണ്. ആരോഗ്യകരമായ മദ്യപാനം, യാത്രകൾ, നല്ല ഭക്ഷണങ്ങൾ എന്നിങ്ങനെ വൈവിധ്യമായതും എല്ലാവരും ഇഷ്ടപ്പെടുന്നതുമായ കാര്യങ്ങളാണ് ഗ്രൂപ്പിൽ ചർച്ച ചെയ്യപ്പെടുന്നത്. ഗ്രൂപ്പിന്റെ നേതൃത്വത്തിൽ നിരവധി ചാരിറ്റി പ്രവർത്തനങ്ങളാണ് ലോകത്തിന്റെ പല സ്ഥലങ്ങളിലും മലയാളികൾ നടത്തുന്നത്.

ഈ കൂട്ടായ്മക്കുള്ളിലെ ആ ഒരു നന്മ തന്നെയായിരിക്കും ചെമ്പൻ വിനോദ്, അജു വർഗീസ്, ബിനീഷ് ബാസ്റ്റിൻ തുടങ്ങിയ മലയാള സിനിമ താരങ്ങളേയും ഈ ഗ്രൂപ്പിലേക്ക് അടുപ്പിച്ചത്. 148K റിയാക്ഷൻസാണ് ചെമ്പൻ വിനോദ് ഇട്ട ഫോട്ടോക്ക് ലഭിച്ചിരിക്കുന്നത്. അജു വർഗീസും ബിനീഷ് ബാസ്റ്റിനുമെല്ലാം ചിത്രങ്ങൾ പോസ്റ്റ് ചെയ്തിട്ടുണ്ട്. അജിത്ത് കുമാർ ടി എൽ എന്ന തിരുവനന്തപുരം സ്വദേശിയുടെ മനസ്സിൽ തോന്നിയ ഒരു ആശയമാണ് ഇന്ന് ലോകമെമ്പാടും പടർന്ന് പന്തലിച്ചിരിക്കുന്ന ഒരു കൂട്ടായ്മയായി വളർന്നിരിക്കുന്നത്. കൊച്ചിയിലെ ‘പപ്പടവട’ റെസ്റ്റോറന്റിന്റെ സാരഥി മിനു പൗളിൻ, ഇൻഡിവുഡ് ചാനൽ ഹെഡ് മുകേഷ് എം നായർ എന്നിങ്ങനെ സമൂഹത്തിലെ പല പ്രമുഖ വ്യക്തികളും ഈ ഗ്രൂപ്പിൽ അംഗങ്ങളാണ്. ഗ്രൂപ്പിന്റെ ചില നിയമങ്ങൾ വായിച്ചാൽ തന്നെ എന്ത് കൊണ്ട് ഈ ഗ്രൂപ്പ് വ്യത്യസ്ഥമാകുന്നുവെന്ന് വ്യക്തമാകും. ഈ ഗ്രൂപ്പിൽ അംഗമാകാൻ ആഗ്രഹിക്കുകയും ചെയ്യും. പക്ഷേ 23 വയസ്സ് കഴിയാത്ത ആരെയും ഗ്രൂപ്പിൽ അംഗങ്ങൾ ആക്കുന്നതല്ല.

• Respect everyone’s privacy
  നമുക്ക് സ്നേഹം പരസ്പര ബഹുമാനം ഒക്കെ മതി. ജാതിയില്ല, മതമില്ല, രാഷ്ട്രീയമില്ല, അതിർത്തികൾ ഇല്ല, പണക്കാരെന്നോ പാവപ്പെട്ടവരെന്നോ ഇല്ല, സ്ത്രീ പുരുഷ വ്യത്യാസങ്ങൾ ഇല്ല. നമ്മൾ ഒരു പറ്റം സ്നേഹമുള്ള മനുഷ്യർ. നിങ്ങൾ ഓരോരുത്തരും ഈ ഗ്രൂപ്പിന്റെ നേടും തൂണുകൾ ആണ്. ഒരു സ്നേഹം ബഹുമാനം ഒക്കെ ഉണ്ടായാലേ പറ്റുകയുള്ളു.
• No promotions or spam & We dont Promote Liquor
  ഒരിക്കലും ഈ ഗ്രൂപ്പ് മദ്യപാനത്തെ പ്രോത്സാഹിപ്പിക്കുകയല്ല.പകരം നമ്മളുടെ ഡ്രിങ്ക്‌സ് ഭക്ഷണം യാത്രകൾ തുടങ്ങിയ അനുഭവങ്ങൾ പങ്കു വയ്ക്കാനുള്ള നല്ലൊരു വേദിയാണ്..ഭക്ഷണവും യാത്രയും കൂടി ഉൾപ്പെടുത്തി പോസ്റ്റുകൾ കൂടി ഇടാൻ ശ്രെമിക്കുക..
• Report to Admin If,
  GNPC നമ്മുടെ ഈ ഫേസ്ബുക് ഗ്രൂപ് അല്ലാതെ വേറെ ഒരു രീതിയിലും ഉള്ള വാട്സാപ്പ് ഗ്രൂപ്പോ, ഫേസ്ബുക്ക് പേജോ, മറ്റേതെങ്കിലും വെബ്സൈറ്റുകളോ ഉപയോഗിക്കുന്നില്ല. അത്തരത്തിൽ ഉള്ള ഏതെങ്കിലും വ്യാജപ്രചരണങ്ങൾ ശ്രദ്ധയിൽ പെട്ടാൽ ഉടൻ നമ്മുടെ അഡ്മിൻസിന്റെയോ, മോഡറേറ്ററിന്റെയോ ശ്രദ്ധയിൽ കൊണ്ടുവരേണ്ടതാണ്.
• What not to Post & what leads to Block
  നിയമതിനെതിരായി ഉള്ള ഒരു പ്രവർത്തിയോ ചിത്രങ്ങളോ ഒന്നും തന്നെ ഈ ഗ്രൂപ്പിൽ പോസ്റ്റരുത്. അതായതു ചാരായം വാറ്റുക, ചാരായത്തിന്റെ ചിത്രം, വാഹനം ഓടിക്കുമ്പോൾ ഉള്ള മദ്യപാനം, പരസ്യമായി പോതു സ്ഥലങ്ങളിൽ ഉള്ള മദ്യപാനം.