മിന്നൽ മുരളിക്കായി കാത്തിരിക്കുകയാണ് ആരാധകർ. എന്നാൽ, മിന്നൽ മുരളിക്ക് മുമ്പേ ആരാധകരുടെ ഹൃദയം കീഴടക്കാൻ തയ്യാറെടുക്കുകയാണ് ബേസിൽ ജോസഫും കൂട്ടുകാരും. ചിദംബരം സംവിധാനം ചെയ്ത ‘ജാൻ എ മൻ’ ചിത്രം നവംബറിൽ തിയറ്ററുകളിലേക്ക് എത്തും. ചിത്രത്തിന്റെ പുതിയ പോസ്റ്റർ ജാൻ എ മൻ ടീം കഴിഞ്ഞദിവസം പുറത്തു വിട്ടു. കാണുമ്പോൾ തന്നെ മനസിൽ ചിരിയുണർത്തുന്ന തരത്തിലുള്ള ചിത്രമാണ് പുതിയ പോസ്റ്ററിലുള്ളത്. സമ്പൂർണ കോമഡി ചിത്രമായ ജാൻ എ മനിൽ മലയാളത്തിലെ യുവ താരനിരയാണ് അണിനിരക്കുന്നത്. സമ്പൂർണ കോമഡി എന്റർടയിനർ ആയ ചിത്രത്തിൽ അർജുൻ അശോകൻ, ബാലു വർഗീസ്, ഗണപതി, ബേസിൽ ജോസഫ്, സിദ്ധാർഥ് മേനോൻ, അഭിരാം രാധാകൃഷ്ണൻ, റിയ സൈറ, ഗംഗ മീര, സജിൻ ഗോപു, ചെമ്പിൽ അശോകൻ എന്നിവരെ കൂടാതെ ധാരാളം പുതുമുഖങ്ങളും അഭിനയിക്കുന്നുണ്ട്.
കഴിഞ്ഞ ദിവസമായിരുന്നു ചിത്രത്തിലെ ഗാനം പുറത്തിറങ്ങിയത്. ‘മഞ്ഞിൽ വിരിഞ്ഞ പൂക്കൾ’ എന്ന സിനിമയിലെ ‘മിഴിയോരം നനഞ്ഞൊഴുകും’ എന്ന ഗാനമാണ് 41 വർഷങ്ങൾക്ക് ശേഷം വീണ്ടുമൊരു സിനിമയുടെ ഭാഗമായത്. ഗാനം റീമാസ്റ്റർ ചെയ്ത് ജാൻ -എ- മൻ സിനിമയുടെ ആദ്യഗാനമായി ആണ് പ്രേക്ഷകർക്ക് മുമ്പിലേക്ക് കഴിഞ്ഞദിവസം എത്തിയത്. ഗാനരംഗത്തിൽ മഞ്ഞുമലയിൽ തനിച്ചായിപ്പോയ ബേസിൽ ജോസഫിന്റെ കഥാപാത്രമായ ജോയ്മോൻ ആണ് നിറഞ്ഞു നിന്നത്. നാട്ടിൽ രാത്രിയാകുമ്പോൾ ജോയ്മോൻ ജോലി ചെയ്യുന്നിടത്ത് പകലാണ്. കാര്യം പറയാൻ അമ്മയെ വിളിക്കുമ്പോൾ പോയി കിടന്നുറങ്ങ് മോനേ, പകല് വിളിക്ക് എന്ന നിർദ്ദേശവും. വിളിക്കാനും പറയാനും ആരുമില്ലാതെ ഒറ്റപ്പെട്ടുപോയ ജോയ്മോൻ ആശ്വാസം കണ്ടെത്തിയത് ‘മിഴിയോരം നനഞ്ഞൊഴുകും’ എന്ന പാട്ടിലാണ്.
ചിദംബരം ആണ് ചിത്രം സംവിധാനം ചെയ്തിരിക്കുന്നത്. ഛായാഗ്രഹണം – വിഷ്ണു തണ്ടാശേരി. ചിയേഴ്സ് എന്റർടയിൻമെന്റ്സിന്റെ ബാനറിൽ വികൃതി എന്ന സിനിമക്ക് ശേഷം ലക്ഷ്മി വാര്യര്‍, ഗണേഷ് മേനോൻ, സജിത്ത് കൂക്കള്‍, ഷോൺ ആന്റണി എന്നിവർ ചേർന്നാണ് സിനിമാ നിർമ്മിക്കുന്നത്. സലാം കുഴിയിൽ, ജോൺ പി എബ്രഹാം എന്നിവരാണ് സഹനിർമ്മാതക്കൾ. സഹരചന സപ്നേഷ് വരച്ചൽ, ഗണപതി. സംഗീതം – ബിജിബാല്‍, എഡിറ്റര്‍ – കിരണ്‍ദാസ്, കോസ്റ്റ്യും മാസ്റ്റര്‍ – ഹംസം, കലാസംവിധാനം – വിനേഷ് ബംഗ്ലാന്‍, മേക്കപ്പ് – ആര്‍ജി വയനാടന്‍, സ്റ്റില്‍ – വിവി ചാര്‍ലി, പ്രൊഡക്ഷന്‍ കണ്‍ട്രോളര്‍ – പി കെ ജിനു, സൗണ്ട് മിക്‌സ് – എംആര്‍ രാജാകൃഷ്ണന്‍, സൗണ്ട് ഡിസൈന്‍ – വിക്കി, കിഷന്‍ (സപ്താ റെക്കോര്‍ഡ്‌സ്), വിഎഫ്എക്‌സ് – കൊക്കനട്ട് ബഞ്ച്, പി ആർ ഒ – ആതിര ദില്‍ജിത്ത്, ഓണ്‍ലൈന്‍ മാര്‍ക്കറ്റിങ് പി.ആര്‍ വൈശാഖ് സി വടക്കേവീട് എന്നിവരാണ്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…