സൂപ്പർമാൻ മനസുകവർന്ന ബാല്യകാലം ഇല്ലാത്തവർ ആരു തന്നെയുണ്ടാവില്ല. കാരണം, ലോകമങ്ങുമുള്ള ആരാധകരുടെ മനസിൽ സൂപ്പർമാൻ ഇരിപ്പുറപ്പിച്ചിട്ട് എൺപതു വർഷമായി. ചരിത്രത്തിൽ ആദ്യമായി സൂപ്പർമാനെ സ്വവർഗ അനുരാഗിയായി അവതരിപ്പിക്കുകയാണ് ഡി സി കോമിക്സ്. ഡി സി കോമിക് സീരീസായ ‘സൂപ്പർമാൻ: സൺ ഓഫ് കാൾ ഇൽ’ അഞ്ചാം പതിപ്പ് മുതലാണ് സ്വവർഗാനുരാഗിയായി സൂപ്പർ മാൻ എത്തുന്നത്. പുതിയ കോമിക് സീരീസിന്റെ എഴുത്തുകാരനായ ടോം ടെയ് ലർ വിപ്ലവകരമായ മാറ്റങ്ങൾ ആരാധകരെ അറിയിച്ചത്. ജയ് നകാമുറ എന്നയാളുമായാണ് സൂപ്പർമാൻ പുതിയ സീരീസിൽ പ്രണയത്തിലാകുന്നത്. ജയ് നകാമുറ ഒരു പത്രപ്രവർത്തകനാണ്. പുതിയ സൂപ്പർമാനും കൂട്ടുകാരനും ചുംബിക്കുന്ന ചിത്രങ്ങൾ പങ്കുവെച്ചാണ് ഡി സി കോമിക്സ് പുതിയ പ്രഖ്യാപനം നടത്തിയത്.
സൂപ്പർമാനായി ഭൂമിയിൽ എത്തപ്പെട്ട ക്ലാർക് കെന്റിന്റെയും ലോയിസ് ലെയിനിന്റെയും മകനാണ് പുതിയ സൂപ്പർമാനായ ജോൺ കെന്റ്. ക്ലാർക് കെന്റ് പത്രപ്രവർത്തക ആയിരുന്ന ലോയിസ് ലെയിനുമായാണ് പ്രണയത്തിലായത്. എന്നാൽ, മകൻ ജോൺ കെന്റ് റിപ്പോർട്ടറായ ജയ് നകാമുറയുമായാണ് പ്രണയത്തിലാകുന്നത്. അതേസമയം, യു എസിൽ LGBTQ കമ്യൂണിറ്റികളെ സംബന്ധിച്ച ബോധവത്കരണം നടത്തുന്ന ദിവസം തന്നെയാണ് പുതിയ സൂപ്പർമാൻ വിശേഷങ്ങൾ പങ്കുവെയ്ക്കാൻ ഡിസി കോമിക്സ് തിരഞ്ഞെടുത്തത്. അതേസമയം, അടുത്തമാസം പുറത്തിറങ്ങുന്ന ലക്കത്തിന്റെ പശ്ചാത്തലവും ഇതിവൃത്തവുമൊന്നും ഡിസി പങ്കുവെച്ചിട്ടില്ല. ഏതായാലും പുതിയ സൂപ്പർമാന് നെറ്റിസൺസിന്റെ ഇടയിൽ വൻ സ്വീകരണമാണ് ലഭിച്ചിരിക്കുന്നത്.
സ്വവർഗാനുരാഗിയായി സൂപ്പർമാനെ അവതരിപ്പിക്കുന്നുണ്ടെങ്കിലും സൂപ്പർമാന്റെ സ്വാഭാവികമായ എല്ലാ സവിശേഷതകളും അങ്ങനെ തന്നെ നിലനിർത്തി കൊണ്ട് തന്നെയാണ് കഥ മുന്നോട്ട് പോകുന്നത്. സൂപ്പർമാൻ സ്വവർഗാനുരാഗിയാകുന്നത് വലിയ മാറ്റം തന്നെയാണെന്നും സമൂഹത്തിലെ വലിയൊരു വിഭാഗത്തിന് അവരെ സൂപ്പർമാനിലൂടെ കാണാനുള്ള അവസരമാണിതെന്നും രചയിതാവായ ടോം അഭിപ്രായപ്പെട്ടു. നേരത്തെ, ബാറ്റ്മാൻ സീരീസിലെ റോബിനെയും ബാറ്റ് വുമണിനെയും ഇത്തരത്തിൽ ഡിസി അവതരിപ്പിച്ചിരുന്നു.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…