തീയറ്ററും ബുള്ളറ്റ് പ്രൂഫ് ഗ്ലാസുകളും..! സാങ്കേതികത്തികവിന്റെ പൂർണതയുമായി മമ്മൂക്കയുടെ കാരവൻ

വാഹനങ്ങളോടുള്ള മമ്മൂക്കയുടെ പ്രിയം ഏവർക്കും അറിയാവുന്നതാണ്. അതുപോലെ തന്നെ 369 എന്ന നമ്പറിനോടുള്ള മമ്മൂക്കയുടെ പ്രിയവും ആരാധകർക്ക് സുപരിചിതമാണ്. ഇപ്പോഴിതാ മമ്മൂക്കയുടെ പുതിയ കാരവാനും അതേ നമ്പർ തന്നെ സ്വന്തമായിരിക്കുന്നത്. കെ എൽ 07 സി യു 369 എന്ന നമ്പറിലുള്ള പുതിയ കാരവാൻ പണിതിറക്കിയത് ഇന്ത്യൻ സിനിമ ലോകത്തിന് പോലും സുപരിചിതമായ ഓജസ് ഓട്ടോമൊബൈൽസിൽ നിന്നുമാണ്. ഡാർക്ക് ബ്ലൂവും വൈറ്റുമാണ് കാരവാന് നൽകിയിരിക്കുന്ന നിറം.

ഭാരത്‌ബെന്‍സിന്റെ ഷാസിയിലാണ്‌ 12 മീറ്റര്‍ നീളമുള്ള വാഹനം തയാറായിട്ടുള്ളത്‌. സെമി ബുള്ളറ്റ്‌ പ്രൂഫ്‌ ഗ്ലാസുകള്‍, പൂര്‍ണമായി സൗണ്ട്‌ പ്രൂഫ്‌ തുടങ്ങിയവ പ്രത്യേകതകളാണ്‌.തിയേറ്റര്‍ സംവിധാനത്തിനായി സൈനേജ്‌ ടി.വികളാണ്‌ ഉപയോഗിച്ചിട്ടുള്ളത്‌. ആവശ്യമുള്ളപ്പോള്‍ ഇത്‌ ഉയര്‍ന്നുവന്ന്‌ വാഹനത്തിനകം തിയേറ്ററായി മാറുന്ന രീതിയിലാണ്‌ സജ്‌ജീകരണം. കിടപ്പുമുറി വാഹനത്തിനു പുറത്തേക്കു നീണ്ടുവരുന്ന രീതിയിലാണുള്ളത്. ആകാശം കാണാനാകുന്ന സജ്ജീകരണവുമുണ്ട്.സാങ്കേതിക തികവുകളോടെ നിര്‍മിച്ച അടുക്കളയില്‍ ഫ്രിഡ്ജ്, ഓവന്‍ തുടങ്ങിയവയുണ്ട്. വെള്ളം മൂന്ന് തലത്തില്‍ ശുദ്ധി ചെയ്താണ് എത്തുക. ഒറ്റ മോള്‍ഡിലുള്ള ബാത്ത്‌റൂമുണ്ട്. ഒരാഴ്ചത്തേക്കുള്ള വെള്ളം ഉള്‍പ്പെടെ സംഭരിക്കാനുള്ള സൗകര്യവുമുണ്ട്.