‘കമ്മാരസംഭവം’ എന്ന സിനിമയ്ക്കു ശേഷം സംവിധായകൻ രതീഷ് അമ്പാട്ടും തിരക്കഥാകൃത്ത് മുരളി ഗോപിയും ഒന്നിക്കുന്ന ചിത്രമായ ‘തീർപ്പ്’ തിയറ്ററുകളിലേക്ക്. പൃഥ്വിരാജ് സുകുമാരൻ, ഇന്ദ്രജിത്ത് സുകുമാരൻ എന്നിവർ പ്രധാനവേഷങ്ങളിൽ എത്തുന്ന ചിത്രം ലോകമെമ്പാടുമുള്ള തിയറ്ററുകളിലാണ് ഇന്ന് റിലീസ് ചെയ്യുന്നത്. ‘വിധിതീർപ്പിലും പക തീർപ്പിലും ഒരുപോലെ കുടിയേറിയ ഇരുതലയുള്ള ആ ഒറ്റവാക്ക്’ എന്ന ടാഗ് ലൈനോടു കൂടിയാണ് തീർപ്പ് പ്രേക്ഷകർക്ക് മുമ്പിലേക്ക് എത്തുന്നത്.
സൈജു കുറുപ്പ്, ഇഷ തല്‍വാര്‍, വിജയ് ബാബു, ഹന്ന റെജി കോശി തുടങ്ങിയവരാണ് ചിത്രത്തിൽ മറ്റ് കഥാപാത്രങ്ങളെ അവതരിപ്പിക്കുന്നത്. മുരളി ഗോപി ആദ്യമായി സംഗീതസംവിധാനം ചെയ്യുന്ന ചിത്രം കൂടിയാണ് ഇത്. സുനിൽ കെ എസ് ഛായാഗ്രഹണം നിർവഹിക്കുന്നു. മുരളി ഗോപി തന്നെയാണ് ഗാനരചനയും സംഗീതസംവിധാനവും. ചിത്രത്തിൽ അബ്ദുള്ള മരക്കാർ എന്ന കഥാപാത്രമായാണ് പൃഥ്വിരാജ് എത്തുന്നത്. രാം കുമാർ നായർ എന്ന കഥാപാത്രമായി വിജയ് ബാബുവും നായരായി ശ്രീകാന്ത് മുരളിയും എത്തുമ്പോൾ ബഷീർ മരക്കാർ ആയി സിദ്ദിഖും മുസ്ലിയാർ ആയി മാമുക്കോയയും എത്തുന്നു. മേനോൻ ആയി എത്തുന്നത് ഷാജു ശ്രീധർ ആണ്.
ഗോപി സുന്ദറാണ് പശ്ചാത്തലസംഗീതം. സമീറ സനീഷ് ആണ് കോസ്റ്റ്യൂം ഡിസൈൻ.വിജയ് ബാബുവിന്റെ ഫ്രൈഡേ ഫിലിം ഹൗസ് ആണ് ചിത്രത്തിന്റെ നിർമ്മാണം. അമ്പതു കോടി ക്ലബിൽ തുടർച്ചയായി ഇടം പിടിച്ച താരമാണ് പൃഥ്വിരാജ്. പൃഥ്വിരാജ് നായകനായി എത്തിയ ജനഗണമനയും കടുവയും അമ്പതു കോടി ക്ലബിൽ ഇടം പിടിച്ചിരുന്നു. കോവിഡ് കാലം കഴിഞ്ഞ് തിയറ്ററുകൾ സജീവമായപ്പോൾ നായകനായി എത്തിയ രണ്ടു ചിത്രവും അമ്പതു കോടി ക്ലബിൽ എത്തിച്ച താരമാണ് പൃഥ്വിരാജ്. ‘ഹോം’ എന്ന സിനിമയ്ക്ക് ശേഷം ഫ്രൈഡേയുടെ ബാനറിൽ റിലീസിന് ഒരുങ്ങുന്ന ചിത്രം കൂടിയാണ് ഇത്. കോവിഡ് പ്രോട്ടോക്കോളുകൾ പാലിച്ച് 48 ദിവസം കൊണ്ടാണ് സിനിമയുടെ ചിത്രീകരണം പൂർത്തിയാക്കിയത്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…