സിനിമയിലും യഥാർത്ഥ ജീവിതത്തിലും അങ്ങനെ സംസാരിക്കുന്നവരുണ്ട്, മനസ്സ് തുറന്ന് ഹണീ റോസ്

സിനിമാ ആസ്വാദകരുടെ പ്രിയങ്കരിയായ നടിയാണ് ഹണീ റോസ്. ‘ബോയ് ഫ്രണ്ട്’ എന്ന ചിത്രത്തിലൂടെ സിനിമാ രംഗത്തിലേക്ക് വന്ന താരം ഒരു സിനിമയുമായി ബന്ധപ്പെട്ടുള്ള ഡബിള്‍ മീനിങ് വിഷയങ്ങളെക്കുറിച്ച്‌ മനസ്സ് തുറന്നു പറയുകയാണ് താരം. വി.കെ പ്രകാശ് സംവിധാനം ചെയ്ത ‘ട്രിവാന്‍ഡ്രം ലോഡ്ജ്’ എന്ന സിനിമയിലെ താരത്തിൻെറ  കഥാപാത്രത്തെക്കുറിച്ച്‌ ചിന്തിച്ചു ഒരിക്കലൂം ആശങ്കപ്പെട്ടിട്ടില്ലെന്നും ഡബിള്‍ മീനിങ് പറയുന്നത് കൊണ്ട് കുടുംബ പ്രേക്ഷകര്‍ തന്നില്‍ നിന്ന് അകലും എന്ന ചിന്തയില്ലായിരുന്നുവെന്നും ഹണീ റോസ് പറയുന്നു. ഒരു മാധ്യമത്തിന് നല്‍കിയ പ്രത്യേക അഭിമുഖത്തില്‍ സംസാരിക്കവേയാണ് ഹണീ റോസ് താന്‍ അഭിനയിച്ചതിലെ വളരെ  മികച്ച കഥാപാത്രത്തെക്കുറിച്ച്‌ പങ്കുവച്ചത്.

നടി ഹണീ റോസിന്റെ  വാക്കുകൾ ഇങ്ങനെ……..

‘ട്രിവാന്‍ഡ്രം ലോഡ്ജ് എന്ന സിനിമ ചെയ്തപ്പോള്‍ കുടുംബ പ്രേക്ഷകര്‍ എന്നെ ഇഷ്ടപ്പെടാതിരിക്കും എന്ന ചിന്തയെ എനിക്ക് ഉണ്ടായിട്ടില്ല. ആ കഥാപാത്രം എന്താണ്, സിനിമ എന്താണ് എന്ന് ഉള്‍ക്കൊണ്ടു ചെയ്യാനേ ശ്രമിച്ചിട്ടുള്ളൂ. അതിലെ കഥാപാത്രം ഒരു പരിധിവരെ കുഴപ്പമില്ലാതെ ചെയ്തു എന്നാണ് ഞാന്‍ വിശ്വസിക്കുന്നത്. ആ സിനിമ തിയേറ്ററില്‍ വന്നതിനു ശേഷമാണു ഇങ്ങനെയുള്ള പ്രതികരണങ്ങള്‍ ഉണ്ടായത്. പക്ഷെ സിനിമ കാണിക്കുന്നത് സാധാരണക്കാരായ കുറച്ചു വ്യക്തികളുടെ ജീവിതമാണ്. റിയല്‍ ലൈഫില്‍ അങ്ങനെ ഡബിള്‍ മീനിങ് സംസാരം ഉള്ളവര്‍ ഉണ്ടാകുമല്ലോ, അത് തന്നെ സിനിമയില്‍ പ്രതിഫലിച്ചുവെന്നേയുള്ളൂ’.