ഇപ്പോൾ നടക്കുവാൻ പോകുന്ന നിയമസഭാ തിരഞ്ഞെടുപ്പിന് മുന്നോടിയായി റിലീസ് ചെയ്യാനിരുന്ന മെഗാ സ്റ്റാർ മമ്മൂട്ടി ചിത്രമായിരുന്നു ‘വണ്‍’. ഒരു പൊളിറ്റിക്കല്‍ ത്രില്ലര്‍ ചിത്രമായ വണ്ണില്‍ കേരളമുഖ്യമന്ത്രി കടയ്ക്കല്‍ ചന്ദ്രനായിട്ടാണ് മമ്മൂട്ടി ചിത്രത്തിലെത്തുന്നത്. വളരെ പ്രധാനപ്പെട്ട കാര്യംമെന്തെന്നാൽ സിനിമ പ്രദർശനത്തിന് എത്തുന്നതിന് മുന്‍പ് തന്നെ മുഖ്യമന്ത്രി കടയ്ക്കല്‍ ചന്ദ്രന്‍ പ്രേക്ഷകരുടെ ഇടയില്‍ വലിയ ഒരു ചര്‍ച്ചാ വിഷയമായിട്ടുണ്ട്.
ഇപ്പോളിതാ തിരക്കഥാകൃത്തുക്കളില്‍ ഒരാളായ സഞ്ജയ് മമ്മൂട്ടിയുടെ കഥാപാത്രത്തിന് എന്തുകൊണ്ട് കടയ്ക്കല്‍ ചന്ദ്രന്‍ എന്ന് പേരിട്ടുവെന്ന് വെളിപ്പെടുത്തുകയാണ്. പല പ്രാവിശ്യം കടയ്ക്കല്‍ വഴി പോയപ്പോള്‍ ആ പേരിലെ ‘പവര്‍’ വല്ലാതെ ആകര്‍ഷിച്ചിരുന്നുവെന്ന് സഞ്ജയ് ഒരു മാധ്യമത്തിന് നല്‍കിയ അഭിമുഖത്തില്‍ പറഞ്ഞു.ചിത്രത്തിലെ പ്രധാന കഥാപാത്രത്തിനു ‘ചന്ദ്രന്‍’ എന്നു തന്നെയുള്ള പേരാണ് ആദ്യം മുതലേ പരിഗണിച്ചിരുന്നത്. പക്ഷെ അതിനൊപ്പം കടയ്ക്കല്‍ കൂടി ചേര്‍ത്തതോടെയാണു കഥാപാത്രത്തിനു ഒരു പൂര്‍ണത വന്നത്. ചന്ദ്രന്‍ എന്ന പേരിനൊപ്പം കടയ്ക്കല്‍ എന്ന സ്ഥലപ്പേരു കൂടിയെത്തിയതോടെ കഥാപാത്രത്തിന്റെ ശക്തി ഇരട്ടിയായി’- സഞ്ജയ് പറയുന്നു.
അണിയറ പ്രവര്‍ത്തകര്‍ പദ്ധതി എടുത്തിരിക്കുന്നത് ചിത്രം തിരഞ്ഞെടുപ്പിന് മുൻപ് റിലീസ് ചെയ്യാനാണ്.സന്തോഷ് വിശ്വനാഥാണ് ചിത്രം സംവിധാനം ചെയ്തിരിക്കുന്നത്.അതെ പോലെ വണ്ണിന് നിലവിലെ കേരള രാഷ്ട്രീയവുമായി ഒരു ബന്ധമില്ലെന്നാണ് സംവിധായകന്‍ വെളിപ്പെടുത്തിയത്. വന്‍ താരനിരയാണ് മമ്മൂട്ടിക്കൊപ്പം ചിത്രത്തില്‍ എത്തുന്നത്. ജോജു ജോര്‍ജ്, മുരളി ഗോപി, ശ്രീനിവാസന്‍, ബാലചന്ദ്രമേനോന്‍, രഞ്ജിത്ത്, മാമുക്കോയ, സലീംകുമാര്‍, സുരേഷ് കൃഷ്ണ, ശങ്കര്‍ രാമകൃഷ്ണന്‍, സുദേവ് നായര്‍, വിഷ്ണു ഉണ്ണിക്കൃഷ്ണന്‍, നിമിഷ സജയന്‍, ഗായത്രി അരുണ്‍, കൃഷ്ണകുമാര്‍ചിത്രത്തിൽ അഭിനയിക്കുന്ന മറ്റു താരങ്ങൾ.
