പഴമയുടെ സൗന്ദര്യം വിളിച്ചോതി ചട്ടയും മുണ്ടുമുടുത്ത് ഒരു വെഡിങ്ങ് ഷൂട്ട്; ഫോട്ടോസ്

കൊറോണയും ലോക്‌ഡൗണുമെല്ലാം വിവാഹങ്ങളെയും മറ്റു ചടങ്ങുകളേയും വളരെയധികം ബാധിച്ചിരുന്നു. എങ്കിലും സർക്കാർ നിർദ്ദേശിച്ചിരിക്കുന്ന മാനദണ്ഡങ്ങൾ പാലിച്ച് ഇപ്പോൾ വിവാഹങ്ങളും മറ്റും നടക്കുന്നുണ്ട്. അതോടൊപ്പം തന്നെ ഒരിടക്ക് ഏറെ ട്രെൻഡിങ്ങായിരുന്ന വെഡിങ്ങ് ഫോട്ടോഷൂട്ടും ഇപ്പോൾ തിരികെ എത്തിക്കൊണ്ടിരിക്കുകയാണ്. എത്രത്തോളം ക്രിയാത്മകമാക്കാം ഓരോ ഷൂട്ടുമെന്നാണ് എല്ലാവരും ആലോചിക്കുന്നത്.

അതിനിടയിലാണ് പഴമയുടെ സൗന്ദര്യം നിറഞ്ഞ വേഷത്തിൽ എത്തിയിരിക്കുന്ന ദമ്പതികളുടെ സേവ് ദി ഡേറ്റ് ഫോട്ടോഷൂട്ട് ശ്രദ്ധേയമായിരിക്കുന്നത്. ട്യുസ്‌ഡേ ലൈറ്റ്സാണ് ടോണി ഫിലിപ്പ് – സമിത സാറ എബ്രഹാം ദമ്പതികളുടെ ചിത്രങ്ങൾ പകർത്തിയിരിക്കുന്നത്. സമിത ചട്ടയും മുണ്ടുമുടുത്ത് എത്തിയപ്പോൾ ടോണി എത്തിയിരിക്കുന്നത് പഴയ രീതിയിലുള്ള വേഷവിധാനങ്ങൾക്കൊപ്പം ഒരു കാലൻകുടയും കൊണ്ട് കൂടിയാണ്. ഓഗസ്റ്റ് ഇരുപതിനാണ് ഇരുവരുടെയും വിവാഹം.