ഫ്ലഡ് അലർട്ട് പോസ്റ്റ് കുറിച്ചാൽ അതും സിനിമാ പ്രൊമോഷൻ ആണെന്ന് പറയുന്നു;വിമർശകർക്ക് മറുപടിയുമായി ടോവിനോ

കേരളത്തെ വീണ്ടും പേമാരി പിടിച്ചുലക്കുകയാണ്.കഴിഞ്ഞ വർഷത്തിന് സമാനമായ അതേ ദുരന്തത്തിലൂടെയാണ് ഇത്തവണയും കടന്ന് പോവുന്നത്. കഴിഞ്ഞ വര്‍ഷത്തെക്കാള്‍ അതിഭീകരമായ അവസ്ഥയാണെന്നാണ് ആദ്യ ദിനങ്ങളില്‍ വരുന്ന വാര്‍ത്തകളില്‍ നിന്നും വ്യക്തമാവുന്നത്. വെള്ളത്തിലാഴ്ന്ന് പോയവരെ സഹായിക്കാന്‍ വാളണ്ടിയര്‍മാരും ജനങ്ങളും സന്നദ്ധ പ്രവര്‍ത്തകരുമെല്ലാം രംഗത്തുണ്ട്. അവര്‍ക്കൊപ്പം സിനിമാമേഖലയിലുള്ളവരും പലതരം സഹായങ്ങളുമായി വന്ന് കൊണ്ടിരിക്കുകയാണ്.

ഇതിനിടെ ഫേസ്‍ബുക്കിൽ ടോവിനോ കുറിച്ച പോസ്റ്റാണ് ഇപ്പോൾ സോഷ്യൽ മീഡിയയിൽ ചർച്ചയാകുന്നത്.വെള്ളപൊക്കത്തെ കുറിച്ച് എന്തെങ്കിലും ഒരു പോസ്റ്റ് കുറിച്ചാൽ അത് സിനിമാ പ്രൊമോഷന് വേണ്ടിയാണ് എന്നാണ് ചിലർ പറയുന്നത് എന്ന് ടോവിനോ പറയുന്നു.

ഫേസ്ബുക്ക് പോസ്റ്റ് ചുവടെ:

കുറേ ആളുകളെ പേടിച്ചിട്ടാണ് flood alert post ഒക്കെ ഇടാതിരുന്നത് . അതിട്ടാൽ ,അതും ഞൻ സിനിമ പ്രൊമോഷന്റെ ഭാഗമായിട്ട് ചെയ്യുന്നതാണ് എന്നും പാഞ്ഞോണ്ടു കുറെ പേര് പറയും . ഒരിക്കൽ അത് ഞാൻ അനുഭവിച്ചതും ഇപ്പോഴും അനുഭവിച്ചുകൊണ്ടിരിക്കുന്നതും ആണ് . അപ്പൊ ഇനി നിങ്ങള് പറ . ഞാൻ ഇനി സിനിമ post ഒന്നും ഇടുന്നില്ല . ഫുൾ alert posts ആയിരിക്കും അപ്പൊ മോശം എന്നും പറഞ്ഞോണ്ട് വരുന്നൊരെ എന്ത് ചെയ്യണം എന്നുംകൂടെ ഒന്ന് പറ !
ഏതായാലും അതൊന്നും പറഞ്ഞു കളയാൻ ഇപ്പൊ സമയം ഇല്ല ! Let’s stand together and survive !!!!