ഏറേ പ്രേക്ഷകശ്രദ്ധ നേടിയ ഡ്രൈവിംഗ് ലൈസൻസിനു ശേഷം മെഗാപ്രൊജക്ടുമായി ലാൽ ജൂനിയർ വീണ്ടും. ഇത്തവണ ടോവിനോ തോമസ് ആണ് ചിത്രത്തിൽ നായകൻ. പൃഥ്വിരാജിനെയും സുരാജ് വെഞ്ഞാറമൂടിനെയും നായകന്മാരാക്കി ആയിരുന്നു ഡ്രൈവിംഗ് ലൈസൻസ് സംവിധാനം ചെയ്തത്. ചിത്രം സൂപ്പർഹിറ്റ് ആകുകയും ചെയ്തിരുന്നു. അതിനു ശേഷം സുനാമി എന്നൊരു ചിത്രവും ലാൽ ജൂനിയറും ലാലും ചേർന്ന് സംവിധാനം ചെയ്തിരുന്നു. ഇപ്പോൾ ടോവിനോയെ നായകനാക്കി പുതിയ ചിത്രം സംവിധാനം ചെയ്യാൻ ഒരുങ്ങുകയാണ് ലാൽ ജൂനിയർ.
ടോവിനോ തോമസ് നായകനാകുന്ന ചിത്രത്തിൽ സൗബിൻ ഷാഹിറും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. മിന്നൽ മുരളി, തല്ലുമാല, അജയന്റെ രണ്ടാം മോഷണം തുടങ്ങിയ മെഗാ പ്രോജക്ടുകൾക്ക് ശേഷം എത്തുന്ന ടോവിനോയുടെ മറ്റൊരു ബിഗ് ബജറ്റ് ചിത്രം കൂടിയാണിത്. ചിത്രത്തിന്റെ ടൈറ്റിലും മറ്റു വിവരങ്ങളും ഉടൻ തന്നെ പുറത്തുവിടുമെന്നാണ് റിപ്പോർട്ടുകൾ.
കഴിഞ്ഞ ദിവസം ആയിരുന്നു ടോവിനോയെ നായകനാക്കി ബേസിൽ ജോസഫ് സംവിധാനം ചെയ്ത ചിത്രം മിന്നൽ മുരളിയുടെ ട്രയിലർ പുറത്തിറങ്ങിയത്. ഡിസംബർ 24ന് ചിത്രം നെറ്റ്ഫ്ലിക്സിലൂടെ ചിത്രമെത്തും. ട്രയിലറിന് മികച്ച പ്രതികരണമായിരുന്നു ലഭിച്ചത്. ട്രയിലർ പുറത്തിറങ്ങി ഒറ്റദിവസം കൊണ്ടു തന്നെ യൂട്യൂബിൽ മലയാളത്തിൽ ഏറ്റവും അധികം ലൈക്ക് ലഭിച്ച ട്രയിലർ ആയി മാറിയിരുന്നു മിന്നൽ മുരളിയുടെ ട്രയിലർ. ലാൽ ജൂനിയർ ഒരുക്കുന്ന ടോവിനോ ചിത്രം ഫീൽ ഗുഡ് കൊമേഴ്സ്യൽ എന്റർടയിനർ ഗണത്തിൽപെടുന്ന ഒരു സിനിമയായിരിക്കും. സുവിൻ സോമശേഖരൻ സ്റ്റാർ എന്ന ചിത്രത്തിന് ശേഷം തിരക്കഥ ഒരുക്കുന്ന ചിത്രമാണിത്. ആൽബിയാണ് ചിത്രത്തിനായി ക്യാമറ ചലിപ്പിക്കുന്നത്. യക്സൻ നേഹ സംഗീതസംവിധാനം നിർവഹിക്കുന്നു.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…