നടി അനുഷ്‌ക ഷെട്ടിയെ വിവാഹം കഴിക്കാൻ താൻ ആഗ്രഹിച്ചിരുന്നു;തുറന്ന് പറച്ചിലുമായി ഉണ്ണി മുകുന്ദൻ

സോഷ്യൽ മീഡിയയിലൂടെ നല്ല വിശേഷങ്ങൾ പങ്കുവെക്കുകയും ആരാധകരുടെ സംശയങ്ങൾക്കും വിമർശനങ്ങൾക്കും മറുപടി നൽകുകയും ചെയ്ത് സോഷ്യൽ മീഡിയയിൽ സജീവമായി നിൽക്കുന്ന ഒരു താരമാണ് ഉണ്ണി മുകുന്ദൻ. ബാഹുബലിയിലെ ദേവസേനയുടെ വേഷത്തിലെത്തി സൂപ്പര്‍ നായികയായി മാറിയ അനുഷ്‌കയുടെ നായകനായി തെലുങ്കിലൊരുക്കിയ ബാഗമതി എന്ന ചിത്രത്തിൽ ഉണ്ണി മുകുന്ദൻ അഭിനയിച്ചിരുന്നു. പ്രേക്ഷകരെ ഏറെ തൃപ്തിപ്പെടുത്തുന്ന തരത്തിലുള്ള പ്രകടനമായിരുന്നു ഇരുവരും കാഴ്ച വച്ചിരുന്നത്.

അതിനാൽ തന്നെ രണ്ടുപേരുടെയും പേരുകളിൽ ഗോസിപ്പുകളും ഇറങ്ങി തുടങ്ങി. നേരത്തെ ജെബി ജംഗ്ഷന്‍ പരിപാടിയില്‍ നിന്നും അനുഷ്‌കയെ കുറിച്ചുള്ള ചോദ്യത്തിന് അനുഷ്‌കയ്‌ക്കൊപ്പം വളര്‍ന്നൊരു നടന്‍ ആയിരുന്നു താനെങ്കില്‍ അവരെ വിവാഹം കഴിക്കുമായിരുന്നെന്നും ഉണ്ണി പറഞ്ഞിട്ടുണ്ട്. ഈ വീഡിയോ ഇപ്പോൾ യൂ ട്യൂബിൽ വന്നുകൊണ്ടിരിക്കുകയാണ്. അനുഷ്ക ഇതുവരെ വിവാഹിതയാകാത്തതുകൊണ്ട് ഉണ്ണിമുകുന്ദന് നോക്കാം എന്നാണ് ആരാധകരുടെ അഭിപ്രായം.

“പുരുഷ-സ്ത്രീ ഭേദമന്യേ ഞാന്‍ ഒരുപാട് പേരെ കണ്ടിട്ടുണ്ടെങ്കിലും അനുഷ്‌കയില്‍ വീണ് പോയി. കുറച്ച് പ്രായം കൂടി പോയി. പ്രായം ഒരു വിഷയമല്ല. എന്നാല്‍ അവരൊരു സൂപ്പര്‍ നായികയാണ്. ഞാനും അതുപോലൊരു ലെവലില്‍ ആയിരുന്നെങ്കില്‍ എന്തായാലും പ്രൊപ്പോസ് ചെയ്യുന്ന രീതിയിലേക്ക് എത്തുമായിരുന്നു. അവര്‍ നല്ലൊരു വ്യക്തിത്വത്തിന് ഉടമയാണ്. സിനിമയിലെ സ്‌പോട്ട് ബോയി മുതല്‍ സംവിധായകന്മാരെയും നടന്മാരെയുമെല്ലാം ഒരുപോലെയാണ് അനുഷ്‌ക കാണുന്നത്. എല്ലാവരും അങ്ങനെയൊക്കെ തന്നെയാണ്. പക്ഷെ ആദ്യത്തെ ഒരാഴ്ച കഴിയുമ്പോള്‍ എല്ലാവരും തിരക്കുകളിലേക്ക് പോകും. പിന്നെ സംവിധായകനോ മറ്റ് വേണ്ടപ്പെട്ടവരോട് മാത്രമേ സംസാരിക്കൂ. എന്നാല്‍ പത്ത് മാസത്തോളം ബാഗമതിയുടെ ഷൂട്ടിങ് ഉണ്ടായിരുന്നു. ഇത്രയും കാലം ഒരാള്‍ക്ക് അതുപോലെ അഭിനയിക്കാന്‍ കഴിയില്ലല്ലോ. സ്വഭാവത്തില്‍ കള്ളത്തരമുണ്ടെങ്കില്‍ അത് ഒരാഴ്ച കൊണ്ട് പൊളിഞ്ഞ് വീഴും. സ്ത്രീ എന്ന നിലയില്‍ അവരെ ബഹുമാനിക്കുന്നു. മറ്റ് പലര്‍ക്കും കണ്ട് പഠിക്കാവുന്ന റഫറന്‍സാണ് അനുഷ്‌ക.” ഉണ്ണിമുകുന്ദൻ വാക്കുകളാണിത്.