“കുക്കു.. നിന്റെ ഓരോ മെസ്സേജും എനിക്കൊരു പ്രചോദനമായിരുന്നു” ബൈക്ക് ആക്‌സിഡണ്ടിൽ ദാരുണാന്ത്യം സംഭവിച്ച ആരാധകന് ആദരാഞ്ജലി അർപ്പിച്ച് ഉണ്ണി മുകുന്ദൻ

ആൾ കേരള ഉണ്ണി മുകുന്ദൻ ഫാൻസ്‌&വെൽഫയർ അസോസിയേഷൻ ഇടുക്കി ജില്ലാ കമ്മിറ്റി പ്രസിഡന്റ്‌ ആയിരുന്ന കൃഷ്ണകുമാർ(കുക്കു) ഇന്ന് പുലർച്ചെ 2.00 മണിക്ക് നടന്ന അപകടത്തിലാണ് മരണപ്പെട്ടത്. ഹെൽമറ്റ് വെക്കാതിരുന്നതിനാലാണ് മരണം സംഭവിച്ചതെന്നാണ് അറിയുവാൻ കഴിയുന്നത്. പ്രിയ ആരാധകനോടൊപ്പമുള്ള ചിത്രം പങ്ക് വെച്ച് ഉണ്ണി മുകുന്ദൻ ഫേസ്ബുക്കിൽ ഏവരോടും ഈ ന്യൂ ഇയർ വേളയിൽ സുരക്ഷിതരായിരിക്കുവാൻ ആഹ്വാനം ചെയ്‌തിരിക്കുകയാണ്.

പ്രിയപ്പെട്ട കുക്കുവിന് ആദരാഞ്ജലികൾ, നിന്നെ ഏറെ മിസ് ചെയ്യും. നീ ഒരു വണ്ടർഫുൾ ബോയ് ആയിരുന്നു. നീ അയച്ച ഓരോ മെസേജും എന്നെ മെച്ചപ്പെടുത്താനുള്ള പ്രചോദനമായിരുന്നു. ഇന്ന് പുലർച്ചെ 2 മണിക്കാണ് കുക്കുവിന് ആക്സിഡന്റ് പറ്റിയത്. അവൻ ബൈക്ക് ഓടിച്ചിരുന്നപ്പോൾ ഹെൽമെറ്റ് വെച്ചിരുന്നില്ല എന്നാണ് എനിക്കറിയുവാൻ കഴിഞ്ഞത്. എല്ലാവരോടും ആവശ്യമായ സുരക്ഷ വേണമെന്ന് അപേക്ഷിക്കുന്നു. ഇന്ന് ന്യൂ ഇയർ രാത്രി ആണെന്നറിയാം. പക്ഷേ നമുക്കെല്ലാം തന്നെ പൂർത്തീകരിക്കുവാനുള്ള നിരവധി സ്വപ്നങ്ങൾ നിറഞ്ഞ വലിയൊരു ജീവിതം ബാക്കിയുണ്ടെന്ന കാര്യം മറക്കരുത്.