ഉണ്ണി മുകുന്ദന്‍ മോഹന്‍ലാലിനൊപ്പം മലയാളത്തില്‍ ആദ്യമായി അഭിനയിക്കുന്നു. പൃഥ്വിരാജ് സുകുമാരന്‍ സംവിധാനം ചെയ്യുന്ന ബ്രോ ഡാഡിയിലും ജീത്തു ജോസഫ് സംവിധാനം ചെയ്യുന്ന ട്വല്‍ത്ത് മാനിലും ആണ് നിര്‍ണായക റോളില്‍ മോഹന്‍ലാലിനൊപ്പം ഉണ്ണി എത്തുന്നത്. നിലവില്‍ തെലങ്കാനയില്‍ ഷൂട്ടിംഗ് പുരോഗമിക്കുന്ന ചിത്രമാണ് ‘ബ്രോ ഡാഡി’. പൃഥ്വിരാജ് സുകുമാരനും ഈ ചിത്രത്തില്‍ വേഷമിടുന്നുണ്ട്. ആശിര്‍വാദ് സിനിമാസിന്റെ ബാനറില്‍ ആന്റണി പെരുംബാവൂരാണ് മോഹന്‍ലാല്‍, പൃഥ്വിരാജ് സുകുമാരന്‍, ഉണ്ണി മുകുന്ദന്‍, കല്യാണി പ്രിയദര്‍ശന്‍ എന്നിവരടങ്ങുന്ന മള്‍ട്ടിസ്റ്റാര്‍ ചിത്രം ബ്രോ ഡാഡി നിര്‍മ്മിക്കുന്നത്. ഫണ്‍ ഡ്രാമ സ്വഭാവമുള്ള ബ്രോ ഡാഡിയുടെ രചന നിര്‍വഹിച്ചിരിക്കുന്നത് എന്‍.ശ്രീജിത്തും ബിബിനും ചേര്‍ന്നാണ്.
ബ്രോ ഡാഡിക്ക് ശേഷം ചിത്രീകരണം തുടങ്ങുന്ന മോഹന്‍ലാല്‍-ഉണ്ണി മുകുന്ദന്‍ ചിത്രമാണ് ട്വല്‍ത് മാന്‍. തെലുങ്ക് ചിത്രം ജനതാ ഗാരേജിന് ശേഷം ഉണ്ണി മുകുന്ദന്‍ മോഹന്‍ലാലിനൊപ്പം പ്രധാന റോളില്‍ എത്തുന്നുവെന്ന പ്രത്യേകത കൂടിയുണ്ട് ഈ രണ്ട് സിനിമകള്‍ക്ക്. ഉണ്ണി മുകുന്ദന്‍ നായകനും നിര്‍മ്മാതാവുമായ മേപ്പടിയാന്‍ ആണ് താരത്തിന്റെ അടുത്ത റിലീസ്.
രവി കെ ചന്ദ്രന്‍ സംവിധാനം ചെയ്യുന്ന ഭ്രമം എന്ന ചിത്രത്തില്‍ ഉണ്ണി മുകുന്ദന്‍ പൃഥ്വിരാജിനൊപ്പം പ്രധാന കഥാപാത്രമായി എത്തുന്നുണ്ട്. ബോളിവുഡ് ത്രില്ലര്‍ അന്ധാദുന്‍ റീമേക്കാണ് ഭ്രമം. ജീത്തു ജോസഫ് സംവിധാനം ചെയ്യുന്ന ട്വല്‍ത് മാന്റെ ചിത്രീകരണം ബ്രോ ഡാഡിക്ക് മുന്‍പ് തുടങ്ങാനായിരുന്നു തീരുമാനം. ചിത്രം പൂര്‍ണമായും ഇടുക്കിയിലാണ് ചിത്രീകരിക്കുന്നത്. എന്നാല്‍ കോവിഡ് വ്യാപനത്തെ തുടര്‍ന്ന് ഷൂട്ടിങിന് സര്‍ക്കാര്‍ അനുമതി നല്‍കാത്തതിനെ തുടര്‍ന്നാണ് ബ്രോ ഡാഡി ആദ്യം തുടങ്ങിയത്. നവാഗതനായ കൃഷ്ണകുമാര്‍ രചന നിര്‍വഹിക്കുന്ന ട്വല്‍ത്ത് മാന്റെ നിര്‍മ്മാണവും ആന്റണി പെരുംബാവൂരാണ് നിര്‍വഹിക്കുന്നത്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…