‘അങ്ങനെ വലിഞ്ഞുകേറി വരുന്ന പട്ടിക്കൊന്നും കൊടുക്കാനുള്ളതല്ല ടോമിയുടെ ഈ ജീവിതം’ – രസകരം ‘വാലാട്ടി’യുടെ ട്രയിലർ

മലയാള സിനിമയിലെ അത്ഭുത പരീക്ഷണമായ ‘വാലാട്ടി’ ജൂലൈ 14 ന് തീയേറ്ററുകളിൽ. ഫ്രൈഡേ ഫിലിം ഹൗസ് ആണ് ചിത്രം ഒരുക്കിയിരിക്കുന്നത്. നവാഗതനായ ദേവനാണ് ചിത്രത്തിന്റെ രചനയും സംവിധാനവും നിര്‍വഹിച്ചിരിക്കുന്നത്. വളർത്തു മൃഗങ്ങളുടെ ഹൃദയഹാരിയായ കഥ പറയുന്ന വാലാട്ടി മലയാള സിനിമയിലെ അത്ഭുത പരീക്ഷണ ചിത്രമെന്ന് തന്നെ വിശേഷിപ്പിക്കാം. നായകളാണ് ചിത്രത്തിലെ പ്രധാന കഥാപാത്രങ്ങൾ. ജൂലെ 14ന് ചിത്രം റീലീസ് ചെയ്യും. ഏറെ നാളുകളുടെ മുന്നൊരുക്കങ്ങൾക്കും, ചിത്രീകരണത്തിനും ശേഷമാണു ചിത്രം പ്രേക്ഷകരുടെ മുന്നിലേക്ക് എത്തുന്നത്. മലയാള സിനിമയിലെ പ്രമുഖ താരങ്ങളുടെ ശബ്ദ സാനിധ്യം കൊണ്ടും ‘വാലാട്ടി’ ശ്രദ്ധേയമാണ്.

വമ്പൻ ബജറ്റിൽ ഒരുങ്ങുന്ന ചിത്രത്തിന്റെ നിർമ്മാണ പ്രവർത്തനങ്ങൾക്കും വളർത്തു മൃഗങ്ങളുടെ ട്രയിനിങ്ങിനും വേണ്ടി മൂന്നിലേറെ വർഷങ്ങളാണ് ഫ്രൈഡേ ഫിലിം ഹൗസ് ചിലവഴിച്ചത്. വിഷ്ണു ആണ് ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത് . എഡിറ്റിങ് അയൂബ് ഖാൻ. മലയാളം ഉൾപ്പടെ അഞ്ചു ഭാഷകളിലായിട്ടാണ് ഈ ചിത്രമെത്തുന്നത്.

ഹിന്ദി, തെലുങ്ക്, കന്നഡ, തമിഴ് ഭാഷകളിലാണ് മലയാളത്തിനു പുറമേ ഈ ചിത്രം റിലീസ് ചെയ്യുക. എന്നും പുതുമകൾ സ്വീകരിച്ചിട്ടുള്ള മലയാളി പ്രേക്ഷകർക്കു തീർച്ചയായും ഇഷ്ടപെടുന്ന ഒരു സിനിമ തന്നെയായിരിക്കും ‘വാലാട്ടി’. വാർത്താ പ്രചരണം – വൈശാഖ് സി വടക്കേവീട്, ജിനു അനിൽകുമാർ.