“ഒരു സാധാരണക്കാരനോട് പോലും ഇത്രയും ഭവ്യതയോടെ പെരുമാറിയപ്പോൾ അത്ഭുതം തോന്നി”മോഹൻലാലിനെ പ്രശംസിച്ച് മാമാങ്കം സിനിമയുടെ നിർമാതാവ് വേണു കുന്നപ്പിള്ളി

മമ്മൂട്ടിയുടെ ബ്രഹ്മാണ്ഡചിത്രം മാമാങ്കത്തിനായുള്ള കാത്തിരിപ്പിലാണ് ആരാധകർ. മലയാള സിനിമാ ലോകത്തെ ആവേശത്തിലാഴ്ത്തികൊണ്ടാണ് ചിത്രത്തെ സംബന്ധിച്ച ഓരോ വാർത്തകളും പുറത്തു വരുന്നത്. ചിത്രം അതിന്റെ പോസ്റ്റ്‌ പ്രൊഡക്ഷൻ വർക്കുകളിൽ എത്തിയിരിക്കുകയാണ്. 2003 ൽ അമ്മക്കിളിക്കൂട് എന്ന ചിത്രത്തിലൂടെ സംവിധായകനായി അരങ്ങേറ്റം കുറിച്ച എം പത്മകുമാറാണ് ചിത്രം സംവിധാനം ചെയ്യുന്നത്.വേണു കുന്നപ്പിള്ളി ആണ് ചിത്രം നിർമ്മിക്കുന്നത്.ഇപ്പോൾ നിർമാതാവ് വേണു കുന്നപ്പിള്ളി കംപ്ലീറ്റ് ആക്ടർ മോഹൻലാലിനെ കുറിച്ച് പറഞ്ഞ വാക്കുകളാണ് സോഷ്യൽ മീഡിയയിൽ വൈറലാകുന്നത്.

“ഒരു സ്വപ്നസാഫല്യം.. വർഷങ്ങളായുള്ള ആഗ്രഹമായിരുന്നു ഈ സൂപ്പർതാരത്തെ നേരിൽ കാണുക എന്നത്.. ഒരു സാധാരണക്കാരനോട് പോലും ഇത്രയും ഭവ്യതയോടെ പെരുമാറിയപ്പോൾ അത്ഭുതം തോന്നി…you are great!…❤ u ലാലേട്ടാ🌹🌹🌹”,അദ്ദേഹം ഫേസ്ബുക്കിൽ കുറിച്ചു.മോഹൻലാലുനൊപ്പമുള്ള തന്റെ ചിത്രവും അദ്ദേഹം പങ്കു വെക്കുകയുണ്ടായി.