കണ്ണ് തള്ളി അന്തംവിട്ട് ഷൈൻ ടോമും ബാലു വർഗീസും; സോഷ്യൽമീഡിയയിൽ വിചിത്രമായി ‘വിചിത്രം’ പോസ്റ്റർ

വിചിത്രമായൊരു പേരുമായി യുവനടൻമാരായ ഷൈൻ ടോം ചാക്കോ, ബാലു വർഗീസ് എന്നിവർ കേന്ദ്ര കഥാപാത്രങ്ങളായി എത്തുന്ന പുതിയ സിനിമയുടെ ഫസ്റ്റ് ലുക്ക് പോസ്റ്റർ എത്തി. ‘വിചിത്രം’ എന്നാണ് സിനിമയുടെ പേര്. ആകാംക്ഷയും കൗതുകവും നിറയ്ക്കുന്നതാണ് സിനിമയുടെ പോസ്റ്റർ. അന്തം വിട്ട് കണ്ണും തള്ളിയിരിക്കുന്ന ബാലുവും ഷൈനുമാണ് പോസ്റ്ററിന്റെ ആകർഷണം. ജോയ് മൂവി പ്രൊഡക്ഷൻസിന്റെ ബാനറിൽ ഡോക്ടർ അജിത് ജോയും അച്ചു വിജയനും ചേർന്നാണ് ചിത്രം നിർമ്മിക്കുന്നത്. ‘വിചിത്രം’ സംവിധാനം ചെയ്യുന്നത് അച്ചു വിജയനാണ്.

ഷൈൻ ടോം ചാക്കോയും ബാലു വർഗീസും പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തിന്റെ ഫസ്റ്റ്ലുക്ക് പോസ്റ്റർ ഏറെ ആകാംക്ഷയും കൗതുകവും തീർക്കുന്നതാണ്. ജാസ്മിന്റെയും മക്കളുടെയും കഥയാണ് ചിത്രം പറയുന്നത്. ലാൽ, കനി കുസൃതി, ജോളി ചിറയത്ത്, കേതകി നാരായൺ തുടങ്ങിയവരും ചിത്രത്തിൽ അഭിനയിക്കുന്നുണ്ട്.

നിഖിൽ രവീന്ദ്രൻ ആണ് ചിത്രത്തിന്റെ തിരക്കഥ. ക്യാമറ കൈകാര്യം ചെയ്യുന്നത് അർജുൻ ബാലകൃഷ്ണൻ. മിഥുൻ മുകുന്ദനും സ്ട്രീറ്റ് അക്കാദമിക്സുമാണ് സംഗീതം ഒരുക്കുന്നത്. പ്രൊഡക്ഷൻ കൺട്രോളർ – ദീപക് പരമേശ്വരൻ, എഡിറ്റർ – അച്ചു വിജയൻ, കോ-ഡയറക്ടർ – സൂരജ് രാജ്, ക്രിയേറ്റീവ് ഡയറക്ടർ – ആർ അരവിന്ദൻ, പ്രൊഡക്ഷൻ ഡിസൈൻ : റെയ്സ് ഹൈദർ & അനസ് റഷാദ്, കോ-റൈറ്റർ : വിനീത് ജോസ്, ആർട്ട് – സുഭാഷ് കരുൺ, മേക്കപ്പ് – സുരേഷ് പ്ലാച്ചിമട, കോസ്റ്റ്യൂം – ദിവ്യ ജോബി, ചീഫ് അസ്സോസിയേറ്റ് ഡയറക്ടർ – ഉമേഷ് രാധാകൃഷ്ണൻ, സൗണ്ട് ഡിസൈൻ – വിഷ്ണു ഗോവിന്ദ് – ശ്രീ ശങ്കർ, സ്റ്റിൽ – രോഹിത് കെ സുരേഷ്, വിഎഫ്എക്‌സ് സൂപ്പർവൈസർ – ബോബി രാജൻ, വി എഫ് എക്സ് സ്റ്റുഡിയോ: ഐറിസ് പിക്സൽ, പി ആർ ഒ – ആതിര ദിൽജിത്ത്, ഡിസൈൻ – അനസ് റഷാദ് & ശ്രീകുമാർ സുപ്രസന്നൻ, ഡിജിറ്റൽ മാർക്കറ്റിംഗ് – അനൂപ് സുന്ദരൻ.