‘മാസ്റ്റർ’ ഷൂട്ടിങ് പുനഃരാരംഭിച്ചു; വിജയ് നാളെ ടീമിനൊപ്പം ചേരുമെന്ന് റിപ്പോർട്ട്

നികുതി വെട്ടിപ്പ് അന്വേഷിക്കുന്നതിന്റെ ഭാഗമായി ഇന്നലെ നെയ്‌വേലിയിൽ എത്തിച്ചേർന്ന ആദായനികുതി വകുപ്പ് വിജയ്‌യെ ചോദ്യം ചെയ്യുവാൻ കസ്റ്റഡിയിൽ എടുത്തിരുന്നു. അതിനെ തുടർന്ന് വിജയ് ഇപ്പോൾ അഭിനയിച്ചു കൊണ്ടിരുന്ന ലോകേഷ് കനകരാജ് ചിത്രം മാസ്റ്റർ നിർത്തി വെച്ചിരിക്കുകയായിരുന്നു. എന്നാൽ വിജയ് സേതുപതിയും മറ്റുള്ളവരും അടങ്ങുന്ന ഭാഗങ്ങളുമായി മാസ്റ്റർ ഷൂട്ടിങ് പുനഃരാരംഭിച്ചു എന്നാണ് റിപ്പോർട്ട്. വിജയ് നാളെ ടീമിനൊപ്പം ചേരുമെന്നും അറിയുന്നു.

വിജയുടേതായി അവസാനം പുറത്തിറങ്ങിയ ബിഗിലിന്റെ നിർമാതാക്കളായ AGS എന്റർപ്രൈസസിന്റെ ഓഫീസിൽ നടത്തിയ റെയ്‌ഡിന് പിന്നാലെയാണ് തമിഴ് സൂപ്പർതാരത്തെ ചോദ്യം ചെയ്യുവാൻ കസ്റ്റഡിയിൽ എടുത്തത്. നിർമാതാക്കൾക്ക് പണം നൽകിയിരുന്ന അൻപ് ചെഴിയന്റെ വീട്ടിൽ നിന്നും മറ്റു ഓഫീസുകളിൽ നിന്നുമെല്ലാമായി 65 കോടിയോളം രൂപ ആദായ നികുതി കണ്ടെടുത്തിരുന്നു. വിജയുടെ രണ്ടു വീടുകൾ റെയ്‌ഡ്‌ നടത്തിയെങ്കിലും ആദായനികുതി വകുപ്പ് ഇതുവരെ ഒരു വിവരവും പുറത്ത് വിട്ടിട്ടില്ല. ബിജെപിക്ക് വിജയ്‌യോടുള്ള എതിർപ്പിന്റെ ഭാഗമായുള്ള പക പോക്കലാണ് ഇപ്പോൾ നടക്കുന്നത് എന്ന അഭിപ്രായമാണ് ആരാധകർക്കുള്ളത്.