വീണ്ടും ‘ആക്ഷൻ’ ട്രയിനിംഗുമായി വിസ്മയ മോഹൻലാൽ:വീഡിയോ വൈറലാകുന്നു

മോഹൻലാലിന്റെ ആക്ഷൻ രംഗങ്ങൾ എന്നും മലയാളികൾക്ക് പ്രിയമാണ്. താരത്തിന്റെ മെയ് വഴക്കവും ചടുലതയും എടുത്തുപറയേണ്ട ഒന്നാണ്. മോഹൻലാലിന്റെ മകനായ പ്രണവ് മോഹൻലാൽ ആക്ഷൻ രംഗങ്ങൾ ഒക്കെ അനായാസം തന്നെ ചെയ്തെടുക്കും. മകളായ വിസ്മയക്കും ഇത്തരം ഇഷ്ടങ്ങളുണ്ട്. വിസ്മയ തായ് ആയോധനകല പരിശീലിക്കുന്നതിന്റെ വിഡിയോ ആണ് സമൂഹമാധ്യമങ്ങളിൽ ഇപ്പോള്‍ വൈറലാകുന്നത്. വിസ്മയ തന്നെയാണ് ഈ വീഡിയോ തന്റെ ഇൻസ്റ്റാഗ്രാം പേജിലൂടെ ആരാധകരുമായി പങ്കുവച്ചത്.

ഇതിനുമുൻപും ആയോധനകലകൾ പരിശീലിക്കുന്നതിന്റെ വീഡിയോകൾ വിസ്മയ പങ്കുവെച്ചിട്ടുണ്ട്. ആക്ഷൻ രംഗങ്ങൾ ചെയ്യുമ്പോഴുള്ള മോഹൻലാലിന്റെ ശരീരഭാഷ ഓർമ്മിപ്പിക്കുന്നുണ്ട് വിസ്മയയുടെ പ്രകടനങ്ങൾ. ഒരു അഭിമുഖത്തിൽ മോഹൻലാലിന്റെ മകളായ വിസ്മയ എന്ന മായ അഭിനയത്തിലേക്ക് കടന്നു വരുമോ എന്നതായിരുന്നു ചോദ്യം. എന്നാൽ അങ്ങനെ ഒരു ആഗ്രഹം മകൾ ഇതുവരെ തന്നോട് പറഞ്ഞിട്ടില്ല എന്നും പക്ഷേ അവൾ നാടകങ്ങൾ ഒക്കെ ചെയ്യുന്ന ആളാണെന്നും മോഹൻലാൽ പറയുന്നു.

മോഹൻലാലിന്റെ മകൾ വിസ്മയ ആയോധന കല പഠിക്കുന്ന ഒരു വീഡിയോ അടുത്തിടെ സോഷ്യൽ മീഡിയയിൽ ചർച്ചാവിഷയമായിരുന്നു. ഈയടുത്ത നാളുകളിൽ വിസ്മയ പങ്കുവെച്ച ഒരു ബുക്ക് പുറത്ത് എത്തിയതോടെയാണ് താര പുത്രിയുടെ ഉള്ളിലെ കലാകാരിയെ ലോകം തിരിച്ചറിഞ്ഞത്. സ്വന്തമായി എഴുതിയ കവിതകളും വരച്ച ചിത്രങ്ങളും ചേർത്ത് ഗ്രൈൻസ് ഓഫ് സ്റ്റാർ ഡസ്റ്റ് എന്ന പേരിലാണ് വിസ്മയ ഒരു ബുക്ക് പ്രസിദ്ധീകരിച്ചത്.